Carpe Diem...

En ùr þessu nùmeri?

Myndina sendi Ég

Myndina sendi Kjaftatik

Dagur 1...

...Byrjaði því miður ekkert alltof vel. Í dag er semsagt fyrsti dagurinn minn á vöktum, þar sem ég er all by myself að svara í símann, á minni eigin tölvu :) . Það er nú samt ekkert slæmt við það, heldur er ég að kafna úr kvefi og með smá hitavellu en þar sem ég er nýbyrjuð hérna þá kann ég ekki við að vera að hringja mig inn veika og geng því þessa dagana á verkjatöflum, hóstamixtúru, vicks kremi, nefspreyi og hálsbrjóstsykri!!! Þegar ég kom síðan í vinnuna þá ætlaði ég aldrei að byrja að geta svarað í símann þar sem það virkuðu ekki allir aðgangs-kóðarnir mínir.

Annars er alveg súperfínt að vinna hérna og er ég að fara í starfsmannapartý á laugardaginn og jólahlaðborð 26. nóv. Svo býðst okkur líka að fá aukavinnu í símaverinu hjá Norðurljósum næstu 3 vikurnar og ætti það nú aldeilis að bjarga jólagjöfunum ;)

Ég var rosalega dugleg um daginn og setti myndir inn á tölvuna, á þá bara eftir að skella þeim á netið og linka þær hérna inn.

Best að fara aftur að vinna.

Tíkin, out.

Æ, ég gleymdi einu.

Ef ykkur finnst að við Jónki ættum að halda áramótapartý í staðinn fyrir innflutningspartý, endilega skrifið þá eitthvað um það í comments hérna fyrir neðan.

Jibbí!!!

Ég er komin með nýja vinnu. Ég byrjaði á fimmtudaginn í þjónustuverinu hjá OgVodafone! Á föstudaginn fékk ég svo nýjan síma (Nokia 3200) og svo fæ ég bráðum nýtt símanúmer og ég fæ fullt af afsláttum og fríðindum varðandi síma, símaaukahluti, símkostnað og internetáskrift. Jibbíí... .

Það er líka ótrúlega fínt að byrja á vinnustað þar sem maður þekkir fullt af fólki nú þegar. Þarna eru: Sif S., Sif J,. Bára, Þórunn, Dísa (konan hans Sævars frænda), Gróa Helga, Ragga o.fl.

Í gær fengum við svo loksins að sjá Sólveigu í Idol. Af einhverri ástæðu var hún eini Hvergerðingurinn sem var ekki sýnd syngja fyrir dómnefndina. Við urðum því bara að sætta okkur við að sjá hana syngja í rútunni (eins og við höfum ekki séð það áður ;)

Nú nenni ég ekki að kjafta meira. Bæó.

Ég er vinur þinn...

Ég sé það að ég blogga alltof sjaldan. Þegar ég loksins drattast að tölvunni nenni ég varla að skrifa allt sem er búið að ganga á.

Allavegana... Svo ég haldi nú áfram að segja frá Idol-kvöldunum okkar Thelmu, þá vorum við heima hjá pabba og mömmu síðast. Loksins eru áheyrnarprufurnar búnar. Kannski förum við að sjá meira af söng og minna af blaðri. Fyrir utan það, vonandi fáum við að sjá Sólveigu syngja í Austurbæ. Ég held það hafi verið 5. Idol-kvöldið. Annars er ég að vona að við verðum næst bara hérna á Selvogsgötunni. Merkilegt nokk, þá er enginn búinn að sækja um aðild að Idol-klúbbnum okkar :-) Spurning hvort hægt sé að kalla það klúbb ef það eru bara 2... ?

Á föstudaginn hætti ég hjá Netvistun. Því miður gekk þetta ekki upp. Það var nebblega góður mórall þarna og skemmtilegt fólk og mér finnst það skipta mjög miklu máli. Það er þó ekki enn ástæða til að örvænta þar sem ég fór í atvinnuviðtal í gær hjá OgVodafone og á að koma aftur að hitta karlinn á morgun. Vona að það þýði að ég fái vinnuna. Kannski skemmtilegt að segja frá því að þá yrði ég að vinna með 2 frænkum Jónka; Gróu Helgu og Röggu og Sif Sturlu, Sif Jóns, Báru og Þórunni!

Á föstudeginum var stefnan tekin í Hveragerði. Jónki var að lana alla helgina og ég var bara eitthvað að dúllast með Thelmu. Þetta átti reyndar að vera svona stelpu-helgi hjá okkur Thelmu en Thelma greyið náði sér í gubbupest, þannig að við vorum eiginlega bara að horfa á sjónvarpið og kjafta alla helgina, sem var náttúrulega líka mjög fínt.

Þar sem Hjörtur var að gera íbúðina svo fína um helgina ætti ég kannski að íhuga að partýi fljótlega. Læt ykkur vita.

Á leiðinni heim í gær ákváðum við að kíkja á "Framtíðarheimilið" í Smáralind. Mjög áhugaverð sýning og nokkrar mjög skemmtilegar nýjungar eins og t.d. að stinga ryksugubarkanum í samband í vegginn! Þar hittum við Gunna, Breka og mömmu hans Gunna. Reyndar kom mamma hans Gunna rétt á eftir þeim og þegar Gunni var að kynna okkur, sagði hann hver ég væri og kynnti Jónka svo sem: "maðurinn hennar, eða kærasti.., ... eða kannski vinur... " í kjölfarið kom mikið glott. Þeir sem hafa heyrt söguna af því þegar afi Stefán og amma Rósa hittu Jónka í fyrsta skipti ættu að skilja brandarann :o)

P.S. Sólveig, til hamingju með afmælið á laugardaginn.

C'ya. Tíkin.