Carpe Diem...

Svefnpurka.

Eins og segir hérna fyrir neðan, þá átti 3. Idol-kvöldið að vera hjá Thelmu. Haldiði ekki bara að ég hafi steinsofnað þegar ég kom heim úr vinnunni og vaknaði ekki fyrr en Thelma hringdi til að athuga hvort ég væri ekki alveg að koma! Thelma var eldsnögg að bregðast við og kom bara með Adda í bæinn til okkar. Ég verð að viðurkenna að ég skammaðist mín frekar mikið.

4. Idol-kvöldið var svo haldið hjá Thelmu ;o) Ég verð nú að segja að mér finnst þeir sýna fullmikið af einhverju blaðri og of lítið af söng.

Á föstudagskvöldið kom svo Hjalti með okkur í bæinn og er búinn að vera hjá okkur alla helgina í góðu yfirlæti; pizza, gos, hamborgari, gos, nammi, gos og video, og já, meira gos.

Á laugardagskvöldinu átti að vera partý, en þar sem svo fáir gátu komist þá frestuðum við þessu enn einu sinni. :o(

Heyrðu já. Á fimmtudaginn sýndi ég líka góða svefnpurku-takta. Eftir að hafa ekki sofið mjög mikið nóttina áður vegna Skottu, ætluðum við Jónki að leggja okkur þegar við komum heim úr vinnunni. Við steinsofnuðum og vöknuðum ekki fyrr en kl 00:30! Þá fórum við framúr og horfðum á sjónvarpið í smástund og fórum svo aftur að sofa :o)

Í kvöld er svo að byrja aftur þættirnir "six feet under" á stöð 2. Síðasta sería endaði mjög spennandi þannig að það er algjört möst að horfa í kvöld.

Jæja. Kaffitíminn er búinn. Best að fara aftur að vinna. Vinnutíkin kveður að sinni.

Þá er komið að 3. Idol-kvöldinu. Að þessu sinni verður það haldið í Hveragerði hjá henni Thelmu. Við vorum að spá í að hafa partýið á morgun, en þar sem það verður Netvistunar-partý á morgun þá frestast okkar partý um viku. Sem sagt, stefnan er tekin á að halda það laugardaginn 23. okt.

Verð að drífa mig í mat. Nánar um þetta seinna.

Partý-Tíkin ;)

Partý?

Hvernig er það, er ekki kominn tími til að halda þetta afmælispartý fyrir Jónka sem átti að vera í Júlí? Kannski það verði bara innflutningspartý. Hmm... þetta þarf að skoða.

Hvað á ég eiginlega að gera við hana Skottu mína? Allt í einu fór hún að taka upp á því að sjúga á manni eyrnasneplana. Í byrjun var það bara mjög sætt en svo fór hún að auka þetta og núna má maður ekki setjast í sófann eða leggjast niður, þá er hún komin undir eins. Hún hélt vöku fyrir okkur Jónka í nótt alveg brjáluð að reyna að komast í eyrnasneplana á okkur!

Á morgun er svo Idol-kvöld nr. 2 og vonumst við til að sjá hana Sólveigu núna.

Þriðjudagurinn var einn af biluðustu dögum sem ég hef upplifað í langan tíma. Um morguninn ákvað ég að fara á þarfagreiningu með Jónka. Þarfagreining á bara að taka c.a. 20 mín., en fólkið sem við fórum til þurfti svo mikið að segja okkur frá og sýna okkur að við vorum þarna í 1 1/2 tíma! Þau eru semsagt með nuddstofuna Nudd fyrir heilsuna og konan sem nuddar er læknamiðill. Hún heitir Gerður Benediktsdóttir og ég verð bara að segja að mér fannst hún dáldið merkileg kona. Hún tók mig í greiningu og setti hendurnar á tvo punkta á hægri hendinni á mér og gat svo sagt mér nákvæmlega hvað væri að hrjá mig líkamlega. Hún talaði um það hvernig ég sofna á hægri hliðinni en vakna svo við sársaukann í mjöðminni og hún talaði líka um hausverkinn sem ég er búin að vera að fá æ oftar upp á síðkastið og hversu slæmur hann væri! Hvernig hefði hún átt að vita þetta?

Þegar við komum aftur upp í netvistun í hádeginu, sáum við brunabíl æða framhjá glugganum. Allt í einu voru allir í húsinu komnir út af skrifstofunum sínum og þá ákváðum við að athuga hvað gengi eiginlega á. Þá var bara kviknað í bíl á bílastæðinu! Ótrúlegt.

Eins og þetta væri nú ekki búið að fylla viðburðaskala dagsins, þá duttu símarnir hjá okkur út um 2 leytið. Við nánari athugun var símafyrirtækið búið að flytja símana 2 dögum of snemma og þurftum við því bara í einum grænum að flytja. Netvistun er semsagt flutt í Skúlatún 4. 4. hæð takk fyrir og bara stigar.

Á meðan við vorum að bíða eftir sendiferðabílnum komst ég svo að því að Dóra, kærasta Hemma (annar eigandinn), er frænka mín. Hún er dóttir Eriks, bróður Péturs pabba hennar Dísu. Hún er semsagt barnabarn Billu, systir ömmu Rúrí! Í framhaldi af því samtali kom líka í ljós að Jói Gunni tæknimaður var bekkjarbróðir Marsó í grunnskóla og kannaðist því við Dísu.

Tíkin kveður því í heimspekilegum pælingum um það hvað lífið kemur stöðugt á óvart.