Carpe Diem...

Endalaus gleði og nóg að gera

Já það er sko búið að vera nóg um að vera síðan ég flutti á Laugaveginn og það er alveg slatti framundan.

Í gær kíkti ég aðeins í partý til Berglindar en stoppaði reyndar ekki lengi. Svo á eftir er ég að fara að hitta Kötu súkkulaði og í kvöld er karla og konukvöld hjá Vodafone. Á mánudaginn er ég svo að fara að sjá Mýrina í bíó, hlakka geðveikt til.

Á morgun ætla ég að sjá hvort heilsan leyfi mér að skreppa aðeins í Hveró, hehe. Langar rosalega í sunnudagsbrunch í bakaríinu en efast einhvernveginn um að ég verði vöknuð nógu snemma ;o)

Síðustu helgi fór ég í brunch til afa og ömmu og frétti þar að Palli bróðir hefði verið að koma heim frá L.A. þar sem hann var að spila með Barða. Maður er greinilega alltaf síðastur með fréttirnar ;o) en ég verð bara að segja að ég er ótrúlega stolt af bróðir mínum. Ég þekki fáa sem geta sinnt jafn mörgum verkefnum og hann í einu og svo er hann að sjálfsögðu besti trommarinn (mjög hlutlaust mat, hehe ;o).

Annars veit ég að ég er ekki nógu dugleg að spjalla við bræður mína og fá af þeim fréttir, veit t.d. ekkert hvað Hjörtur er að gera þessa dagana. Hins vegar veit ég að Hjalti er kominn með bílpróf. Til hamingju með það litli ;o)

En jæja, best að hætta þessu bulli, koma sér á fætur og fara að hitta Kötu :o)

Heyrumst, Helga.

Var að fá nýjan síma í gær.

Fékk mér Nokia 6280.



Bara að prufa að henda inn mynd úr nýja símanum ;o)

Dagur / nótt

Ég sver það að ef 16-24 vinnuvika byrjar á að ég fer of seint að sofa, þá verður sólarhringurinn algjörlega á röngunni hjá mér það sem eftir er vikunnar. Getur verið hrikalega pirrandi. Sérstaklega þegar klukkan er orðin 5 á laugardagsmorgni og ég ekkert að sofna. Veit að mánudagurinn á 8-16 vakt verður hrikalega erfiður. Damn...

Langar svo að spjalla við einhvern núna en að sjálfsögðu er allt heilbrigt fólk sofandi á þessum tíma sólarhrings, eða að djamma ;o)

Annars var Helga Dögg að senda mér þessa fínu mynd af mér úr afmælinu mínu. Þar sem mér finnst ekkert alltof algengt að það náist góðar myndir af mér (Helga og Ingó, ekki orð um andsetnar myndir) þá ákvað ég að skella henni hérna inn :o)

Annars ætla ég að fara að reyna að sofna yfir Friends þar sem ég hafði hugsað mér að mæta í brunch til afa og ömmu kl 11, ss eftir 6 tíma, úfff.... Góða nótt.

Lana, if you read this, did you get my mail? I still haven't recieved any mail from you. Don't know what the problem is, it's getting kinda frustrating!

Please leave a comment if you read this :o)

Luv, Helga.

Flutt.

Þá erum við flutt, Jónki í þessa fínu íbúð í Hraunbænum og ég í kósý herbergi á Laugarveginum. Næstu dagar fara svo væntanlega í að klára að koma sér fyrir.

Annars er alltaf jafn mikið að gera í vinnunni þannig að það er nú ekki mikið annað sem maður gerir þessa dagana en að vinna og svo eitthvað tengt flutningunum.

Heyrði í Thelmu áðan og hún var að segja mér að Erla og Bergþór komu heim með prinsinn í dag þannig að maður þarf að fara að skella sér í heimsókn :o)

Langaði bara aðeins að henda inn nokkrum línum áður en ég fer heim að sofa, er ekki komin með net eða tölvu hjá Ósk en það er í vinnslu ;o)

Heyrumst, Helga.