Carpe Diem...

Test

2011-01-08T20:20:00.001Z

Abc

2010-08-05T13:28:00.002Z

Ljóð...

I feel like the tide
washing in, washing out
While what I really am is the star
The star that's sturdy in the sky
The star that sometimes seems to disappear
But when you look closer,
it's still there.

Helga

2010-06-30T21:42:00.003Z

Til fyrirmyndar

Ég ætlaði svo að muna eftir að fylla út Til fyrirmyndar bréfið sem barst á öll heimili, en að sjálfsögðu tókst mér að gleyma því! Það eru þó margir sem ég tek mér til fyrirmyndar í mínu lífi og ber mikið þakklæti til. Ég ætla því bara í staðinn að birta hér þá sem eru mér efst í huga og ég ber mikið þakklæti til. Ég vil þó taka fram að þetta er engan veginn tæmandi listi...

Pabbi og mamma

Foreldrar mínir hafa reynt margt í gegnum árin. Alltaf koma þau út standandi í fæturna og með bros á vör. Þau hafa alið upp fjórar heilbrigðar, þenkjandi manneskjur sem láta sig náungann varða og reyna ávallt sitt besta til að gera betur. Pabbi og mamma eiga alltaf lausa stund fyrir þá nánustu, og enda samtöl við þau oftar en ekki með brosi á vör og jafnvel nokkrum hláturrokum. Pabbi og mamma eiga alltaf til hvatningarorð og hvetja okkur systkinin alltaf til að fylgja hjartanu og láta draumana rætast. Ég tek pabba og mömmu mér til fyrirmyndar og vona að ef ég eignast einhverntímann börn, að þá takist mér að standa mig jafn vel í foreldrahlutverkinu og þau! Ég tek einnig mér til fyrirmyndar þeirra viðhorf um að gera betur í dag en í gær.

Amma Rúrý

Einnig þekkt sem Amma Boss! Amma lætur engan vaða yfir sig, hvað þá á skítugum skónum! Amma er með bein í nefinu og lætur ekkert aftra sér frá því að gera það sem hún vill og eiga góðar stundir. Amma kann að skemmta sér og hafa gaman að lífinu. Svo heldur hún sér ungri með því að djamma með barnabörnunum! En að öllu gríni slepptu, þá er amma aðeins þrítug í hjarta sínu þrátt fyrir að búa yfir lífsreynslu áttræðrar konu. Hún á góð ráð og hvatningu í hverju horni og gerir allt sem í hennar valdi stendur til að börnin og barnabörnin hafi það gott. Amma er töffari sem spilar á gítar og tekur bara pásu ef þarf að henda slagsmálahundum útaf balli! Ég tek ömmu mér til fyrirmyndar og vona að ég verði ætíð ung í hjarta, eigi alltaf tíma fyrir fjölskylduna og gleymi því aldrei að við erum hér til að njóta lífsins!

Bræður mínir

Eins og þeir eru ólíkir, þá eiga þeir það allir sameiginlegt að hafa reynst mér góðir kennarar í lífinu. Bræður mínir hafa skoðanir, en þær eru aldrei úr lausu lofti teknar. Ég tek bræður mína mér til fyrirmyndar af mörgum ástæðum, en ástæðan sem mig langar helst að nefna hér er að þeir hafa kennt mér að líta alltaf hlutina frá fleiri en einu sjónarhorni.

Ósk

Án Óskar væri ég ef til vill ekki enn búin að átta mig á að minn heimur hefur aðeins þau landamæri sem ég set upp. Einu takmörkin sem mér eru sett eru hversu stóra drauma mér tekst að dreyma. Ég tek Ósk mér til fyrirmyndar af því að hún býður óttanum birginn og kallar "You only live once" um leið og hún stingur sér í djúpu laugina.

Gígja

Gígja kenndi mér að vera væmin og gráta. Án þess að taka sjálf eftir því, þá hafði ég orðið harðjaxl með árunum og var löngu búin að gleyma hvernig tilfinning það er að þykja vænt um lífið og leyfa sér að gráta. Ég hef einnig lært að kvíði er val og valið er í mínum höndum. Ég tek Gígju mér til fyrirmyndar af því að Gígja kann svo vel að gefa kærleika, deila þekkingu, vera heiðarleg og að vera sönn og heil í öllu því sem hún gerir.

Árdís

Árdís sannar það að þó hörðustu naglar slípist til með árunum, þá halda þeir enn! Ég tek Árdísi mér til fyrirmyndar af því að hún veit hvað hún vill og fylgir hjartanu. Hún er líka einstaklega hugmyndarík og framkvæmir sínar hugmyndir.

Dr. Yogi Vijay Rayal

Reiki meistarinn minn virðist búa yfir þrotlausum brunni af kærleik og visku. Hann leggur allar sínar frístundir í að byggja upp skóla fyrir fátæk börn í sínu héraði. Ég tek meistara minn mér til fyrirmyndar og vona að ég geti gefið jafn mikið til náungans og samfélagsins og hann gerir.

Það eru ótalmargir vinir, samstarfsfólk og fólk sem ég hef kynnst í gegnum tíðina sem ætti skilið að fá sitt nafn nefnt hér. Ég vona því að það móðgi engan að nafn viðkomandi sé ekki hér ritað. Ég tek alla vini mína mér til fyrirmyndar, af mismunandi ástæðum. Þau hafa öll kennt mér einhverja lexíuna og þau eru öll vinir mínir af því að þau skipta mig máli. Ég er þakklát fyrir allt það góða fólk sem er í mínu lífi og ég get tekið mér til fyrirmyndar.

Með kærleik í hjarta,
Helga

2009-12-15T19:02:00.002Z

Heili á hásuðu.

Líður í alvöru eins og það rjúki úr hausnum á mér... en það eru bara 2 dagar eftir!!! Það eina sem kemst að í hausnum á mér akkúrat núna, er hvað ég ætla að sofa rosalega mikið um helgina, helst bara alla helgina! haha

Skemmtileg mantra; 2 dagar eftir, svefn um helgina, 2 dagar eftir, svefn um helgina... ;)

Sjáumst hress, eftir 2 DAGA!

Helga

2009-12-01T18:39:00.004Z

Smá lærdóms pása...

Ég elska Urban Outfitters! Get auðveldlega gleymt mér tímunum saman við að skoða úrvalið á vef-verslun þeirra. En þar sem ég hef nú ekki tíma fyrir of mikið slugs, þá leyfði ég mér bara nokkrar mínútur í að skoða í þetta skiptið. Varð að deila með ykkur þessum ótrúlega fallegu hlutum sem ég var að dást að...

Ef ég kynni að sauma, þá væri ekki leiðinlegt að eiga svona fallega vél... verst að ég kann ekki að sauma...

Loksins falleg og nett digital vél!

Veit ekki alveg hvort að ég sé bara með lame húmor eða hvað, en mér finnst þessi sturtuhetta dásamleg!

Eeenn... þó það sé gaman að skoða fallega, skemmtilega og á köflum fyndna hluti, þá þarf ég víst að halda áfram að lesa um Bresk stjórnmál...

Sjáumst eftir prófin..?!

Helga

2009-11-26T16:11:00.002Z

Hið margslungna ljón...

LJÓN 23. júlí - 22. ágúst
Þú veist hvað þú sættir þig við, hvað er rétt og hvað þú líður alls ekki. Fólk venst því að sjá þig í einu hlutverki og eiga samskipti við þig þannig, en ljónið er margslungið.

Stjörnuspá dagsins á mbl.is. Finnst hún mjög fyndin af því að bara fyrir um það bil viku síðan var ég að tala við Ósk um hvernig það virðist oft vera erfitt fyrir fólk sem er búið að þekkja mann lengi, að átta sig á því ef maður breytist. Það er gert ráð fyrir að gamlir vanar breytist ekki, og að ákveðnar skoðanir breytist aldrei. Ég held að við föllum öll í þessa gryfju, og þá ekkert síður ég en aðrir. Ég held þó að við höfum öll gott af breytingum, eða eins og máltækið segir; Batnandi mönnum er best að lifa...

Vona að þið eigið öll góðan dag og leyfið ykkur að njóta lífsins!

Kveðja,
Helga

2009-11-13T04:55:00.002Z

Bitra Helga, eða Bitra Ísland..?

Af hverju á ég svona auðvelt með að verða reið og bitur þegar ég er á Íslandi? Verð ég of meðvirk af umhverfinu, eða er einfaldlega erfitt fyrir mig að "fitta inn" hérna..? Er ég á villigötum, eða eru Íslendingar almennt í ruglinu? Hvað varð um að vera Shanti og Zen..? Það ergir mig að finna ekki minn rythma hér. Minn rythma á ég að finna hvar sem ég er í heiminum, af því að það er alltaf á mínu valdi að skapa mínar eigin aðstæður. Ég er ringluð og skil ekki hvað ég þarf að gera til að finna jafnvægið... Er ég ekki Íslendingur? Er eitthvað erfiðara að lifa hér en annarsstaðar? Erum við orðin of samstillt til að það megi vera öðruvísi? Þurfa allir að hafa sömu skoðun og falla í sama rammann?

Æi, þvílík vitleysa... Held ég sé alltof "djúp" þessa dagana...

Over and out,
Helga

2009-11-11T00:56:00.002Z

Heimilislega Helga

Það er dálítið undarlegt að upplifa það að vera komin aftur í skóla. Að sitja heima og læra daginn inn og út, það er skrýtið... Enda hef ég misgott úthald í það. Merkilegt hvað suma daga þarf maður endilega að skreppa í búðina, þvo þvott, þrífa, elda mat og jafnvel baka... En svo þegar lærdómsúthaldið er gott, þá vill íbúðin einhvernveginn verða á hvolfi. Magnað hvað hægt er að óhreinka mikið leirtau bara við það að sitja inní stofu að læra...

Nú er bara rúmur mánuður eftir af þessari önn og er ég hrædd um að hlutirnir verði eitthvað aðeins breyttir eftir áramót. Þar sem ég vil ekki taka námslán, þá verð ég að vinna aðeins meira. Svo vil ég líka taka mér tíma í reikið og aðra hluti sem falla betur undir mitt áhugasvið, þannig að ég mun að minnsta kosti minnka við mig í Háskólanum. Þetta eru búnir að vera skemmtilegir mánuðir (erfiðir á köflum, en skemmtilegir samt), en ég bíð spennt að sjá hvað bíður mín handan við hornið. Það eru ansi margar hugmyndir sem ég geng með í maganum þessa dagana.

Ég gaf mér tíma um daginn til að fara að skoða dýnur fyrir reiki/yoga hornið í stofunni og er nú komin með enn betri mynd á hvernig ég vil hafa þetta. Stefnan er því sett á að í janúar verði reikihornið tilbúið og það verði þá aftur hægt að fara að bóka tíma hjá mér. Svo er ég líka búin að lofa einni að halda reiki námskeið á nýju ári. Það verður gaman að sjá hvort fleiri muni bætast í hópinn. Já, það eru spennandi tímar framundan!

Góða nótt,
Helga x

2009-10-08T18:40:00.003Z

Ég engan svík, þetta er jú bara pólitík...

Ég er nú ekki þekkt fyrir að nenna að ræða pólitík og stjórnmál, finnst þetta eitthvað svo niðurdrepandi umræðuefni. En ég fékk þennan brandara sendan í dag og finnst hann svo dásamlegur að ég bara verð að birta hann hér. Hann er dálítið langur, en vel þess virði að lesa.

Á degi í framtíðinni ...

Steingrímur Sigfússon var dauður og kominn til himna þar sem hann hitti
Lykla-Pétur.
Lykla-Pétur varð svolítið vandaræðalegur: Eh, velkominn sagði hann loks.
Þakka þér fyrir, sagði Steingrímur, ég vissi að ég myndi enda hér.

- Nja, sagði Pétur, þú hefur lifað sæmilega frómu lífi, eða þannig, svo
við vildum gjarnan hafa þig hér en því eru ekki allir sammála. Þú ert
umdeildur maður og það hafa fleiri áhuga á þér en við hér í himnaríki. Við
urðum að halda fund með djöflinum þar sem þetta var rætt og það endaði með
því að við gerðum samning við hann.
Samning! Hrópaði Steingrímur og var sýnilega brugðið.
Það er nú ekki alslæmt, sagði Pétur, en djöfullinn sagðist nú þegar hafa
flesta vini þína svo við sömdum um að þú eyddir einum sólarhring í helvíti
og öðrum hér hjá okkur í himnaríki og svo velur þú sjálfur hvar þú dvelur
um aldur og eilífð.

Steingrímur maldaði svolítið í móinn en samningur er jú samningur svo Pétur
vísaði honum á lyftuna, kvaddi hann og sagðist sjá hann eftir sólarhring.
Steingrímur ýtti á hnapp merktan helvíti í lyftunni og seig svo langt,
langt niður á við þar til lyftan stoppaði við kolsvarta hurð. Þegar dyrnar
opnuðust stóð djöfullinn sjálfur fyrir innan. Gamli vinur, vertu
hjartanlega velkominn, gakktu í bæinn, sagði djöfsi.

Steingrímur fór inn og við honum blasti risastór golfvöllur. Margir af hans
gömlu flokksbræðrum léku golf á vellinum eða stóðu í smáhópum og töluðu
saman. Golfvöllurinn var fullkominn. Það var heitt í lofti og út um allt
voru léttklæddar, snoppufríðar djöflastelpur sem færðu mönnum bjór og aðra
kalda drykki. Steingrímur lék golf allan daginn og um kvöldið bauð Svavar
Gestsson, sem hafði dáið nokkru áður, honum í gúrmet grill (hafði sem sagt
grætt um daginn og grillað um kvöldið) ásamt Indriða, Álfheiði og fleiri
góðum vinum með öllu góðgæti sem hugsast gat. Fáum sögum fer af því hvernig
Steingrímur eyddi nóttinni en sólarhringurinn í helvíti var fljótur að líða
og morguninn eftir var honum vísað á lyftuna á ný.

Þegar Steingrímur kom aftur til himnaríkis var hann efins um ágæti þess
staðar en það var samt sem áður tekið vel á móti honum. Hann var klæddur í
englaföt og fengin harpa til að leika á. Hann eyddi deginum með því að
ganga um milli skýjanna, hlustaði á fagran fuglasöng og borðaði ferska
ávexti. Hann fékk reyndar í magann af ávöxtunum og það pirraði hann að sjá
Davíð og Þorgerði sitja saman á skýi og leika á hörpur af mikilli
innlifun.
Um kvöldið kom Pétur. Nú ertu búinn að dvelja heilan sólarhring í helvíti
og heilan dag hér í himnaríki. Ertu kannski búinn að ákveða þig? Spurði
postulinn.
Hmm, sagði Steingrímur, ég átti nú kannski ekki von á því en ég held að
ég velji helvíti, þrátt fyrir allt. Það er heppilegasti staðurinn fyrir
mig. Andlitið datt af Pétri og hann reyndi hvað hann gat að fá Steingrím
ofan af ákvörðun sinni. En Steingrímur var harðákveðinn.
Á ný fór Steingrímur með lyftunni niður í helvíti og djöfullinn tók aftur á
móti honum. Hann kippti Steingrími inn en þar var þá allt öðru vísi umhorfs
en daginn áður. Brennisteinsfnykinn lagði um allt og skerandi sársaukavein
flokksbræðra hans og vina fylltu loftið. En hvar er golfvöllurinn? Spurði
Steingrímur. Og djöflastelpurnar, bjórinn og grillið?
- Ah, sagði djöfullinn, þú skilur þetta manna best, í gær var
kosningabaráttan í fullum gangi. En nú ertu búinn að kjósa!

Og þá er tími til að halda áfram að læra. Heimspeki... vúhú... ;)

Helga x.

2009-07-14T17:05:00.002Z

Wulffmorgenthaler

Hahaha... varð bara að deila þessari mynd...

Helga x

2009-07-13T22:07:00.002Z

Reynum þetta...

Eitthvað er nú langt síðan ég hef hent inn einhverjum línum hér af viti...

Ég er víst á leiðinni í skóla..! Borgaði staðfestingagjaldið í HÍ í dag. Held að ég sé engan vegin að átta mig á hvað ég er að fara út í, en þetta verður nú bara spennandi... held ég...

Er allt í einu farin að gera ógurlega verðsamanburði og kaupi það ódýrasta af öllu. Meira að segja sinnepi. Er reyndar ekki svo viss um að 20 krónurnar sem ég sparaði þar hafi verið mikil "kostakaup" þar sem ég hef aldrei á ævinni séð jafn þunnt sinnep. Ekki kaupa ykkur Bónus sinnep framleitt af Vogabæ. Getið alveg eins eytt 20 krónum meira í danska sinnepið og þynnt það sjálf út með vatni. Fáið þá að minnsta kosti meira fyrir peninginn.

Er meira að segja farin að gera "verðsamanburði" á útilegum, bústaðarferðum og skemmtunum sumarsins. Held bara að ég hafi aldrei gert það áður. Finnst það samt bara fyndið og kvarta ekki. Þigg bara í staðinn fríkeypis hluti hjá foreldrunum eins og krydd, tuskur, moppu og fleira í þeim dúr. Er viss um að ég sparaði mér fullt af pening þar. Kosturinn við að vera alltaf að spara og finna ódýrustu leiðina, eða ódýrasta hlutinn, er hvað ég er alltaf ánægð með sjálfa mig, að ná að vera svona séð... haha

Julie er búin að staðfesta komu sína í ágúst. Hlakka mikið til að sjá hana. Finnst svo gaman að fá að leika "guide" og rölta um bæinn með túrista og enn betra ef ég kemst með þeim út á land! Ég er lúði, ég veit, en ég elska fallega landið mitt og finnst fátt skemmtilegra en að fá að sýna góðum vinum uppáhalds staðina mína.

Julie er sem sagt stúlka frá Canada sem við Ósk kynntumst í Rishikesh á Indlandi. Ósk og Julie voru saman í yoga tímum, en Julie er sjálf yoga kennari í Canada.

Ég er búin að hafa fullt að gera í Reiki (heilun) frá því ég kom heim, en hef reyndar ekkert verið að standa mig í yoganu... kannski maður nýti tækifærið þegar Julie kemur og taki smá upprifjun... ;)

Annars er ekki svo mikið að frétta af mér. Stend mig alltaf vel í partýum og almennum hressleika, en náði svo að koma sjálfri mér á óvart síðustu helgi og standa mig vel í golfi! Tók einn hring með familíunni. Var viss um að ég yrði mér til skammar á vellinum, hélt að mín íþrótt væri glasalyftingar, en rúllaði þessu svo bara upp! Var sérdeilis kát með sjálfa mig haha

En jæja, nóg af gleði og hamingju í bili. Ætla að fara að reyna að sannfæra sjálfa mig um að það sé kvöld, þrátt fyrir glampandi sól inn um gluggana...

Luv,
Helga x

2009-06-30T21:40:00.002Z

Osom vídjó!

Og að sjálfsögðu kemur örstutt klippa frá Hveragerði og sýnt hvernig bæjarbúar höfðu hveri í görðunum hjá sér!

Love it!
Helga

2009-04-15T07:58:00.002Z

Ljod

Skrifadi tetta a adfangadagskvold a Koh Tao. Langar ekki ad glata tessu tannig ad eg hendi tessu her inn, adallega fyrir sjalfa mig.

I'm so lucky to know myself as well as I do,
at my age.

I have my doubts,
I have my fears,
I have my dreams
and I have my hopes,
but most important of all,
I have my confidence
and I have my faith.

My safety stop is in Iceland,
but my heart has no home.

I'm the wind that travels through continents,
I'm the bird who flies south for the winter,
I'm a shooting star, traveling through the Galaxy.

I am Helga,
sometimes quiet,
sometimes loud,
sometimes shy,
sometimes proud.
But always, always,
belong to my crowd.

I'm happy,
I'm free.
I'm proud of being me.

2008-10-05T21:19:00.002Z

4 vikur!

Í dag eru 4 vikur í að ég fljúgi til Peking. Planið er að eyða 3-4 vikum í að ferðast landleiðina frá Peking niður í Yunnan hérað og eyða þar einhverjum tíma. Þaðan höldum við svo niður að landamærunum og yfir til Laos. Í augnablikinu er þetta eina planið þar sem okkur finnst besta planið að vera með ekkert plan... =)

Nú er ég flutt til Atla og er á fullu í að ganga frá lausum endum áður en ég fer á flakk. Það er því nóg að gera hjá mér næstu 4 vikurnar, en ég ætla nú samt að reyna að gefa mér einhvern tíma í heimsóknir og hittinga áður en ég fer.

Verð að viðurkenna að það er dálítið skrýtið að búa allt í einu bara með nauðsynjar og vera búin að selja og/eða gefa öll húsgögnin mín. Gaf meira að segja sjónvarpið mitt. Á einhvern hátt finn ég á sama tíma til léttis. Held það sé bara ágætt að gera svona góða upphreinsun á veraldlegum eignum... :)

Jæja, nóg að gera. Meira síðar.

Kv. Helga.

2008-08-31T12:41:00.002Z

Enn að selja bílinn...

Ef einhver veit um einhvern sem er að leita sér að góðum bíl, endilega látið mig vita eða bendið viðkomandi á mig. Verð að fara að selja bílinn en vil ekki fara í gegnum bílasölu og borga morðfjár fyrir það (veit að ég er nísk, en ég verð líka atvinnulaus eftir 2 mánuði!)...

Knús og kossar,
Helga.

2008-08-27T20:21:00.004Z

Ekki sátt!

Verð bara að koma því á framfæri að ég var ekki sátt við að sjá þetta! Var því miður einmitt búin að segja að ég hefði áhyggjur af því að núverandi eigindur myndu ekki kunna, né ráða við, að reka Eden. Urrrr...

Out,
Helga

2008-08-12T22:06:00.002Z

Væmið blogg...?

Þá er sumarfríinu lokið. Veit ekki hvort ég get lýst þessu sumarfríi einhvernveginn öðruvísi en mjög tilfinningaríku.

Alex kom til mín 2. ágúst og fór í dag. Þessir 10 dagar liðu eins og hendi væri veifað. Hafði planað að sýna honum hina og þessa staði á Íslandi, en einhvernveginn enduðum við með að eyða mestu af tímanum hér í Reykjavík, og þá yfirleitt 2 í íbúðinni að tala og hlusta á tónlist. Við virðumst geta talað út í hið óendanlega og skemmt okkur konunglega bara við tvö. Enda get ég ekki sagt að dagurinn í dag hafi verið auðveldur. En lífið heldur víst áfram, það er víst ekki hægt að lifa endalaust í ævintýraheimi.

Ég elska fjölskyldu mína og vini svo ólýsanlega mikið að oft á ég ekki til orð yfir það hvað ég á góða að. Ég verð því að segja að mér fannst ekki leiðinlegt að Alex tók strax eftir því og talaði sérstaklega um hvað ég væri heppin, bæði með að eiga svona góða fjölskyldu og svona góða vini. Það eru víst ekki allir svo heppnir, því miður.

Mér finnst ég búin að vera ansi týnd í lífinu og þessvegna ætla ég að fara að ferðast og reyna að koma mér í skóla. Er að vona að ég finni mig þarna einhversstaðar á leiðinni. Verð þó að segja að það að kynnast Alex ruglaði mig enn meira í ríminu. Þegar manni finnst maður vera svona týndur, þá finnst manni maður vera svo einn i heiminum. Að hitta síðan einhvern með nákvæmlega sömu pælingar um lífið og tilveruna og svona ótrúlega líkur sjálfum manni, þá fer maður að átta sig á að maður er ekki einn. En það ruglar líka hlutina enn meira. Hvernig getur maður þá verið svona týndur ef fleiri eru í sömu pælingum? Hvernig er hægt að finnast maður vera svo einn þegar fleiri eru á nákvæmlega sama stað í lífinu?

Trúi varla að ég sé að fara að vinna á morgun. Það þýðir líka að ég verð að fara að vinna í málum eins og flugmiða, visa, verð og þá meina ég verð að selja bílinn o.fl. Sjæse, kreisí tímar framundan. Veit samt að það verður allt þess virði þegar ég er komin með flugmiðann minn og er að leggja í hann.

Á meðan ég man, fólk er farið að spyrja mig hvað ég vil í afmælisgjöf þar sem það er jú farið að styttast í það. Ef einhver ætlar að gefa mér afmælisgjöf, þá mun ég auglýsa númer sparireikningsins míns fyrir afmælið mitt. Neita að taka við gjöfum í ár en ef einhver heimtar að fá að gefa mér eitthvað, þá er það bara að styrkja mig fyrir ferðina :)

Jæja, held að þetta blogg sé orðið ansi þungt og langt. Ætla því að láta þetta nægja í bili.

Elska ykkur öll,
Helga.

2008-07-30T21:10:00.003Z

Tímamót

Í dag sagði ég upp hjá Vodafone. Mun hætta þar í byrjun nóvember til að fara að ferðast með Ósk. Verð þá búin að vinna þar í 4 ár. Get ekki sagt annað en að tilhugsunin um að hætta er afar sérstök.

Planið er að fara á flakk um Asíu, enda svo vonandi næsta vor í Evrópu og ætla þá að vinna um sumarið og er að vonast til að komast inn í skóla um haustið. Ætla helst ekkert að plana meira en þetta í bili. Þarf lika að ná að selja bílinn minn til að þetta gangi allt upp, þannig að endilega ef þið vitið um einhvern sem er að leita að góðum bíl aðeins gegn yfirtöku á mjög góðum lánum, talið við mig :)

Er gjörsamlega tönuð í drasl eftir daginn með þvílíka farmers tan og þar að auki dekkri að framan en að aftan haha... þetta er búinn að vera yndislegur dagur í alla staði. Get ekki annað sagt en að ég sé mjög ánægð með viðbrögðin sem ég fékk við uppsögninni og er svo búin að slaka á í sólinni.

Verslunarmannahelgin er enn voða mikið í lausu lofti hjá mér. Það virðast allir vera að fara eitthvert í burtu og ég veit ekki hvort ég á að hanga í bænum eða hvað.

Vá, nennti allt í einu ekki að skrifa meira.

Love you all,
Helga.

2008-07-23T00:05:00.002Z

Sumarfrí...

Það er alveg hrikalega spennandi sumarfrí framundan! Á von á góðum gesti, eyða tímanum í góðra vina hópi og skreppa eitthvað út á land. SPENNÓ!

Næ vonandi að hitta sem flesta í fríinu. Er búin að vera alltof upptekin við vinnu og að plana hitt og þetta, eins og t.d. að selja bílinn...

Heyrumst,
Helga.

2008-07-17T00:09:00.002Z

Til sölu!

Fallegi bíllinn minn er til sölu. Kominn tími til að hugsa um framtíðina og spara.

Endilega látið mig vita ef þið þekkið einhvern sem er að leita að slíkum eðalvagni... nú eða ef þið eruð að leita sjálf :)

Chao,
Helga

2008-06-16T20:24:00.005Z

Ójá...

Hversu svalt væri að þeysast um götur borgarinnar á einu slíku:

Annars finnst mér ég eitursvöl þessa dagana, sérstaklega í gula samfestingnum mínum með nýju sólgleraugun mín og þá enn frekar tilhugsunin um að eyða nokkrum dögum í ágúst með ömmu uppí bústað í Skorradal, róa út á vatnið og veiða, enda svo daginn í heita pottinum með diskóljósunum...

Mér þykir ótrúlega vænt um ömmu mína sem er það mikið krútt að hún hringdi sérstaklega í mig til að kveðja áður en hún smellti sér til Londres. Er að gellast í London þessa dagana og fer á útskrift Sólveigar á morgun. Verð að viðurkenna að það örlar á smá öfund. Væri alveg til í að vera að gellast í London akkúrat núna, fara á útskriftina á morgun og útskriftarsýninguna á miðvikudaginn.

Langar einmitt að óska Sólveigu til hamingju með að vera orðin forvörður. Hrikalega svalur titill.

Allt rosa svalt í dag...

Heyrumst,
Helga

2008-06-08T23:34:00.002Z

Vinátta

Það er svo ómetanlegt að eiga góða vini. Undanfarnar vikur hef ég verið í nánast stöðugu hláturskasti, eða alveg frá Alicante ferðinni. Held að gærkvöldið hafi líka skapað nokkur moment sem eigi eftir að valda hlátursköstum næstu vikurnar. Svo var líka sagt ein sú fallegasta setning sem hefur verið sögð við mig í gær af góðum vini. Ég bara táraðist, harðkjarninn sjálfur, þetta var svo fallegt :)

Það er komið sumar, sé fyrir mér yndislega sumardaga í góðra vina hópi. Get ekki beðið...

Heyrumst,
Helga.

2008-06-05T22:53:00.002Z

Blahhh...

Hvernig stendur á því að þegar ég er loksins búin að taka einhverjar ákvarðanir í lífinu og veit loksins hvað ég vil gera, þá hefur mér aldrei fundist ég jafn týnd og akkúrat nú..?

Finnst ég svo eirðarlaus og stefnulaus, þrátt fyrir að hafa aldrei áður haft jafn markvissa stefnu. Get varla setið kyrr né klárað heila hugsun.

Held að bið og þolinmæði séu ekki á mínu bandi.

Er annars að spá í að selja bílinn minn. Tími ekki lengur að eiga bíl. Svo er líka kominn göngustígur alla leiðina heiman frá mér niðrí vinnu þannig að ég get alveg hjólað í vinnuna, nú eða labbað.

Jæja, gott í bili.
Helga

2008-05-04T16:24:00.004Z

Allt að gerast

Já, það er enn brjálað að gera í vinnunni, en á morgun kemur inn sumarstarfsmaðurinn okkar sem verður settur beint í að hjálpa mér. Vona því að það verði bara nokkrir dagar af geðveiki í viðbót á meðan við mössum niður verkefnin, svo verði allt komið á rétt ról... vonandi.

Myndasíðan er loksins komin upp og ég byrjuð að setja inn myndir. Ekki mikið komið inn ennþá, en ég er að setja inn myndirnar frá Thailandi og Malasíu núna.

Fer á morgun í langþráða klippingu. Er að hugsa um einhverja stóra breytingu fyrir sumarið. Sjáum hvað gerist, ég er amk mjög spennt ;)

Bara 12 dagar í Alicante. Get ekki beðið eftir að fara að kafa. Ætla klárlega að kafa með þessum:

En annars er ég að vonast til að ná að kafa hérna heima næstu helgi. Þurftum að fresta köfuninni um daginn. Var svo að fá Open Waters köfunarskírteinið mitt í pósti. Á núna bara eftir að fá Advanced skírteinið sent :)

Er að velta fyrir mér hvort ég eigi að selja bílinn í sumar og gerast bíllaus... Þarf að pæla svolítið í þessu...

Heyrumst,
Helga.

2008-04-18T21:23:00.002Z

Burn out..?

Held að ég sé á góðri leið með að drepa sjálfa mig með of mikilli vinnu...

Agnar bjargaði þó deginum í dag með því að bjóða mér í köfun í Silfru á sunnudaginn. Vá hvað ég get ekki beðið...

Eyddi s.s. 7 klst og 40 mín í að taka backup af vinnutölvunni minni í dag og koma svo upp lánstölvunni sem ég verð með á meðan mín er í viðgerð. Náði því að klára 2 verkefni af c.a. 70 verkefnum í dag... kannski ekki skrýtið að ég sé að fara yfirum...

Köfun er mikið tilhlökkunarefni fyrir mig þessa dagana. Fer með Agnari í Silfru á sunnudaginn og svo ætlum við líka að kafa á Alicante í maí. Held að ég sé orðin alveg hooked á köfun.

Ég hef nákvæmlega ekkert skemmtilegt að segja. Er að reyna að láta síðustu mínútur vinnudagsins líða þar sem ég get ekki meir í dag og er því að forðast verklistana síðustu mínúturnar. Ekki gott, ég veit...

Heyrumst,
Helga.

2008-04-06T13:47:00.002Z

Snillingur!

Eitthvað er búið að kvarta undan bloggleysi á þessum bænum undanfarið, en það á sér allt góða skýringu...

Á páskadag tókst mér að skera mig í staðinn fyrir sætu kartöflurnar sem áttu að fara á grillið. Eyddi því kvöldinu á slysó og fékk samloku og franskar í páskamat í staðinn fyrir grillaðar kótelettur og grænmetispinna...

Toppaði svo sjálfa mig með því að taka verkjatöflur sem reyndust blóðþynnandi. Þurfti því að fara aftur uppá slysó þegar blóðið fór að frussast í gegnum saumana og umbúðirnar...

Hef því ekki getað pikkað mikið undanfarið. Hef sleppt öllu ónauðsynlegu pikki undanfarið.

Það er mikið búið að gera grín að þessu og athugasemdir eins og "þó það sé gaman í eldhúsinu, þá er óþarfi að nota eigin hráefni" búnar að fá að fjúka. En það er líka ekki annað hægt en að hlæja bara að þessu.

Á fimmtudagskvöldið settumst við Ósk svo niður í eldhúsinu heima, ég vopnuð rauðvíni og sígó en hún vopnuð skurðarhníf, naglaklippum, flísatöng, spritti og pappír... Jú, jú, doktor Ósk fjarlægði saumana á meðan ég sturtaði í mig rauðvíni og reykti eins og enginn væri morgundagurinn... Puttinn er nefnilega enn fullur af blóði og þetta er því allt rosalega aumt og sárt og litla, viðkvæma Helga var því dálítið stressuð yfir þessu... vægast sagt... hehe ;)

Ég er því búin að vera frekar róleg undanfarið en ég hef trú á að um næstu helgi verði tekið vel á því. Lionel kom til landsins á fimmtudaginn síðasta, Indy kemur til landsins næsta fimmtudag, Óskin á afmæli á fimmtudaginn... Förum því að sjálfsögðu með strákana út á lífið og að sjálfsögðu þarf að gera eitthvað fyrir Óskina. Og svo er einnig búið að plana ferð í Bláa Lónið.

Get ekki hætt að hlusta á Nina Simone þessa dagana...

Heyrumst,
Helga.

2008-04-04T22:40:00.000Z

2008-03-16T10:54:00.002Z

Komin heim.

Já, við Ósk lentum um 4-leytið í gær, degi of seint, þar sem vélin okkar frá Abu Dhabi til London bilaði og við þurftum að snúa við.

Að vissu leyti er alltaf gott að koma heim, en þetta er í fyrsta skipti á ævinni sem ég finn ekki til léttis yfir því að vera komin heim.

Þetta ferðalag mitt var bara mánuður, en það opnaði augu mín fyrir svo mörgu sem ég hef lokað á í allt of langan tíma. Ég er búin að taka ansi margar ákvarðanir um framtíðina í þessari ferð og er búin að setja mér nokkur markmið. Merki um að vera loksins að "fullorðnast"? Veit ekki, en ég veit núna hvað ég vil. Allavega að lang mestu leiti. Enn nokkrir þættir sem þarf að skoða og taka ákvarðanir um þó.

Það er svo magnað að finna aftur eiginleika hjá sjálfum sér sem voru löngu gleymdir, hálfgerð enduruppgötvun. Sem er sérstaklega merkilegt þar sem ég taldi mig vel vita hver ég væri og hvað ég vildi áður en ferðalagið hófst. Hélt að það eina sem ég þyrfti að ákveða væri hvað ég ætlaði mér að gera í skólamálum. Núna er hinsvegar hausinn á mér fullur af hugmyndum þannig að mín orka mun fara í vinnu, jóga og að sinna listinni, næra hjarta og sál.

Í þessari ferð hefur verið mikið brosað, mikið hlegið og meira að segja nokkur tár felld. Mikið skrifað, skissað, hlustað á tónlist og rætt um tónlist, lesið og lífsspekin rædd.

Lífið er yndislegt. Ekki eyða því í eftirsjá eftir einhverju sem ekki var sagt eða gert. Það hlýtur alltaf að vera meira virði að taka áhættu, fylgja hjartanu og segja eða gera það sem hjartað segir manni að gera eða segja. Þetta er a.m.k. eitt af markmiðum mínum. Lagði allt í sölurnar í þessari ferð og fékk það þúsundfalt til baka...

Ást og umhyggja,
Helga.

2008-03-13T11:45:00.002Z

Aftur i kaldan raunveruleikann...

Jaeja, ta er komid ad heimfor. Sidasta kvoldid okkar i Thailandi. Vorum ad koma ur vaegast sagt mjog skrytnu vaxi og sitjum nuna med drykk og sigo a bar i Bangkok og erum adeins ad kikja a posta og blogg og jafna okkur eftir vaxid...

Munum ad ollum likindum kikja a Bed Bar i kvold, i tilefni tess ad tetta er sidasta kvoldid hehe

En jaeja, nenni ekki ad blogga nuna. Komum heim annad kvold og svo er party a Hverfisgotunni a laugardaginn.

Sjaumst,
Helga.

2008-03-08T06:12:00.002Z

Return to paradise...

Ja, vid Osk erum komnar aftur til Koh Tao og erum ad taka advanced open waters i kofun. Forum i deep dive i dag, forum mest nidra 29 metra dypi. Erum bunar ad taka navigation, naturalist og peak boyancie kafanir i gaer og i dag. Forum svo i naeturkofun annad kvold. Ta er allt svart og tu ert bara med litla vasaljosid titt ad lysa a fiskana. Tetta er svo gaman ad eg trui ekki ad vid turfum ad fara aftur heim ;)

Vedrid herna er yndislegt, tratt fyrir ad vid hofum fengid rigningu i gaer. Solin skin og tad er ekkert betra en ad slaka a a batnum i solinni eftir goda kofun.

Malasia var daldid aevintyri. Byrjudum a ad fara til Kota Bahru. Aetludum ad fara tadan ut i eyjarnar austan megin en tad var ekki haegt vegna vedurs. Akvadum ta ad taka the jungle train sudur. Tegar vid komum ad frumskoginum var lika rigning tar tannig ad vid heldum afram sudur. Stoppudum eina nott i Gemas og forum svo til Melaka. Vorum tar i einn og halfan dag, saum staerstu edlur sem vid hofum nokkurn timann sed og forum i batsferd um ana. Naest var haldid til Kuala Lumpur. Vorum a aedislegu hosteli tar i 2 naetur. Kemur einhverjum a ovart ad eg lagadi ineternettenginguna teirra..? hehe

Eftir tetta allt vorum vid ordnar daldid treyttar a vedrinu og akvadum ad drifa okkur bara til Koh Tao aftur. Eyddum samfleytt 36 klst i 2 lestum og einum bat. Enda var setning Malasiuferdarinnar ordin "it's the journey, not the destination..." Saum lika helling utum lestarglugga og bilrudur hehehe.

Lifid er yndislegt her a Koh Tao. Tetta er svo litil eyja ad allir tekkja alla tannig ad vid erum bunar ad eignast helling af vinum her.

Trui ekki alveg ad tad se minna en vika eftir, en jaeja, c'est la vie...

Hlakka samt til ad sja ykkur oll. Takk fyrir allar kvedjurnar. Rosa gaman alltaf ad lesa commentin.

Kvedja, Helga.

2008-02-28T15:24:00.002Z

Malasia

Ta er Harpa farin heim og vid Osk komnar til Malasiu. Forum ur solinni i Thailandi i rigningu i Malasiu. Ferdin okkar tok 10 klst i stadinn fyrir 5 vegna rigningarinnar. Her tarf ad keyra mjog varlega i rigningu.

Tad eru 50% likur a rigningu naestu 10 dagana, tannig ad tad er spurning hvad vid stoppum her lengi. Plonin breytast nanast daglega hja okkur ;)

Vid erum bunar ad fara i klettaklifur, fara a matreidslunamskeid i Thai matargerd og ja, ekki ma gleyma full moon party. Sjaese hvad var gaman a full moon party.

Erum a omurlegu neti tannig ad eg aetla ekki ad setja neinar myndir ne meiri ferdasogur i bili.

P.S. Ella, erum a hoteli sem tu myndir ELSKA! Erum med shared bathroom med squad toilet. Tegar eg var a klosettinu adan, ta kom kakkalakki upp ur sprungu i golfinu. Tok serstaklega myndir af herberginu okkar og badherberginu fyrir tig hehehe...

Kvedja, Helga.

2008-02-24T07:30:00.002Z

Paradis

Gleymdi vist ad utskyra strawberry feet fyrirsognina sidast. Eg fekk semsagt sykingu i moskitobit a loppinni en tar sem Easy Divers eru med svo frabaera tjonustu, ta foru teir med mig til laeknis sem skodadi tetta, gaf mer pensilin og bara allt i godu.

Vid erum bunar ad vera i algerri paradis her a Koh Tao og fa frabaera tjonustu. Erum bunar ad ljuka open water course i kofun, synda med hakorlum, krusa um eyjuna a moto, borda godan mat, kafa aftur i morgun eftir eins og halfs tima svefn og eg veit ekki hvad og hvad.

I dag er fyrsti dagurinn sem er ekki sol tannig ad okkur finnst bara nokkud svalt og gott. Komumst samt ad tvi adan ad tad er samt 30 stiga hiti.

I kvold forum vid svo a Koh Phangan og i fyrramalid a meginlandid og holdum afram i sudur att. Okkur a ss eftir ad verda enn heitara.

Nog i bili...

Kvedja fra Thailandi,
Helga.

2008-02-18T04:07:00.002Z

Strawberry feet

Komin til Thailands og allt gekk vel. Erum haettar vid Burma og erum komnar til sudur-Thailands, nanar tiltekid a Ko Thao eyjuna. Erum ad skra okkur i kofunarskola og gistingu. Aetlum ad moto-ast i dag tar til kofunin byrjar.

Akvad ad lata bara adeins vita af mer tar sem tad er svo dyrt ad hringja og sms-ast.

Meira sidar.
Kvedja, Helga

2008-02-14T00:30:00.002Z

Ferðalangur

Þá eru bara nokkrir tímar í brottför. Ég er svo óvenju róleg yfir þessu öllu saman að það er ekki eðlilegt. Ég get samt ekki beðið eftir að komast út í hitann, í burtu frá þessu ógeðsveðri og að halda á vit ævintýranna. Samt hlakkar mig að vissu leyti til að koma aftur heim líka. Skemmtilegir hlutir sem taka þá við.

Ég held að ég hafi aldrei pakkað jafn litlu niður en þó hef ég aldrei farið í jafn langt ferðalag. Og það var samt svo auðvelt að pakka.

Er búin að vera að taka þátt í skipulagningu tækniborðs fyrir þrifadag sem verður núna á föstudaginn. Hlakka mikið til að sjá myndir frá því.

Jæja, best að reyna að sofa smá.

Knús og kossar til ykkar allra :)
Helga.

2008-02-11T21:07:00.000Z

Styttist í Asíu

Er ekki að ná því að vera að fara út eftir 3 daga. Get varla hugsað, hvað þá komið einhverju í orð. Ætla samt að reyna að skrifa smá ;)

Fór á Barinn síðustu helgi. Fékk mér einn drykk og sígó inni. LOVED IT! Ég verð samt að segja að ég er ekki algjörlega á móti banninu. Ég vil bara að það verði leyfðar reykaðstöður. Fólk þarf að sætta sig við það að það er ekki hægt að "útrýma" reykingafólki með því að setja á reykingabann. Það verður langt í að reykingafólk verði ekki til og að neyða fólk til að standa úti í 14 stiga gaddi er ekki mannlegt.

Er líka einhver til í að útskýra fyrir mér af hverju það að reykja á verönd sem er búið að loka af með plasti og búið að setja upp hitalampa á er ekki að reykja inni? Það er alveg jafn mikill mökkur þar, það er reyndar kaldara en inni, en þarna eru þjónar að þjóna til borðs. Þessir þjónar þurfa því ekki aðeins að vinna í reykingamökknum, heldur líka í kulda! Eru það í alvöru betri vinnuaðstæður? Væri ekki betra að hafa almennilega, vel loftræsta aðstöðu?

En jæja, er búin að vera í agalega miklum ham eitthvað í dag. Held ég ætli að þegja núna. Lofa að henda inn nokkrum orðum áður en ég fer.

Ciao,
Helga.

2008-02-01T23:18:00.000Z

Loksins, loksins...

gerir einhver eitthvað við reykingabanninu:

"Félag kráareigenda lýsti því yfir í gær, að það hyggðist mótmæla reykingalöggjöfinni með því að leyfa viðskiptavinum sínum að reykja inni á stöðunum þegar vetrarkuldinn er sem mestur úti."

Þetta er tekið úr frétt á mbl.is.

Held ég skelli mér bara í bæinn um helgina og fái mér öl og sígó
...innandyra
...ekki úti í 14 stiga gaddi!

Hver er með..?

2008-02-01T11:51:00.000Z

2 VIKUR PEOPLE!!

Já, eftir nákvæmlega 2 vikur verð ég að lenda í London, á leið minni til Thailands!

***Uppfært nokkrum klst síðar***

Vá hvað ég er gáfuð! Ég fer út eftir 13 daga, ekki 14!!!

***Uppfærslu lokið :P***

Ósk hringdi í mig í vikunni til að spyrja hvort ég væri ekki til í smá ævintýri í stað þess að hanga allan tímann á túristastöðunum í suður-Thailandi. Ég hélt það nú! Nýja planið er því að fara til Búrma c.a. 2 dögum eftir að ég kem út og svo til Malasíu. Ætlum svo bara að eyða síðustu vikunni í að ferðast upp eftir suður-Thailandi.

Ég er orðin svo spennt og æst að ég get ekki setið kyrr, sem er erfitt þegar maður vinnur 13-14 tíma vinnudaga ;)

Ég er búin að vera að gera helling undanfarið, en ég hef enga eirð í mér til að skrifa um það :)

Vil halda áfram að minna á iPal græjuna. Vill alveg endilega selja hana.

Enda þessa færslu á að henda inn boðskortinu í kveðjupartýið mitt.

Over and out,
Svampur Sveinsson.

2008-01-20T09:49:00.000Z

Tivoli iPal

Fæst fyrir gott verð. Fékk þessa fallegu græju í jólagjöf en á svipað tæki fyrir og hef því ekkert við þetta að gera. Þetta er enn óupptekið í kassanum.

Endilega ef þið hafið áhuga eða vitið um einhvern sem hefur áhuga, hafið samband.

Kveðja,
Helga

2008-01-13T15:43:00.000Z

Menningarlegt 2008

Fór í bíó á föstudaginn og í leikhús í gær. Fór svo til Atla að spila Bíóbrot. Held því að ég sé að byrja alveg ágætlega á menningarlegu ári 2008 :)

Fór á Jesus Christ Superstar í Borgarleikhúsinu í gær. Þeir sem til þekkja vita að leikritið hefst á laginu Paradís. Þetta er mitt uppáhaldslag úr söngleiknum og því átti ég smá erfitt með að fyrirgefa Jenna í Brain Police fyrir að taka það ekki betur en hann gerði. En... Ég fyrirgaf honum þó þar sem hann vann stöðugt á fyrir hlé og var síðan með meistaralega frammistöðu eftir hlé.

Fannst þetta mjög gaman og ég vona að það verði gefin út tónlistin eins og eftir síðustu uppsetningu. Fannst þetta í heildina litið mjög vel heppnað, ég var mjög glöð og æst þegar ég labbaði út úr leikhúsinu. Þeim tekst mjög vel að útfæra þetta í nútíma rokk uppsetningu. Ég held að ég myndi jafnvel fara aftur á sýninguna :)

Er annars orðin vel spennt fyrir Thailandsferðinni. Er farin að telja niður, í dag eru 33 dagar í að ég fari. Set hér til hliðar link á ferðabloggið þeirra Óskar og Hörpu.

Myndin með þessu bloggi er af Guðný Láru, Árdísi og Ósk að gera sig tilbúnar fyrir nýárs skálina upp við Hallgrímskirkju.

Jæja, er farin að halda áfram að breyta í herberginu mínu.
Kveðja, Helgi.

2008-01-11T16:44:00.000Z

Föstudagsfílingurinn

Aftur kominn föstudagur og ég loksins komin í góðan gír aftur. Búin að eyða alltof stórum hluta síðustu 7 daga í að vera veik en er loksins orðin nokkuð góð. Enda er stefnan tekin á bíó í kvöld, vinnu á morgun og svo leikhús annað kvöld.

Góða helgi,
Helga.

2008-01-04T16:24:00.000Z

It's friday baby..!

Enjoy,
Helga

2007-12-31T01:13:00.001Z

Allt á fullu...

Jólin eru búin að vera yndisleg. Tók þriggja daga slökun í Hveragerði. Gerði ekkert annað en að sofa og borða. Þurfti líka alveg á þessu að halda. Held að það sé nokkuð ljóst að það sé heldur engin slökun framundan næsta einn og hálfan mánuð.

Ósk og Harpa eru að fara út á miðvikudaginn og af því tilefni hélt Harpa kveðjupartý á Laugaveginum. Þá er búið að halda síðasta partýið þar í bili. Annað kvöld ætlum við svo að vera með partý hérna fyrir Ósk. Ég, Guðný og Ósk ætlum líka að borða saman annað kvöld. Hlakka mikið til, þrátt fyrir að það verði skrýtið að vera ekki í Hveró.

Núna er ég svo farin að undirbúa mína brottför. Fór í bólusetningu fyrir tæpum tveim vikum. Er reyndar enn marin og bólgin eftir þetta, en það er vel þess virði :)

Ég er of spennt til að geta skrifað eitthvað af viti. Ósk og Harpa eru búnar að stofna bloggsíðu þar sem þær ætla að blogga um Thailandsferðina þegar þær komast í tölvu.

Nóg í bili.
Helga.

2007-12-28T11:41:00.000Z

Áramóta- og kveðjupartý

2007-12-23T18:32:00.000Z

Flautuleikari once again

Mjög stórar fréttir. Í dag fjárfesti ég loksins í flautunni sem mig er búið að langa í í ansi mörg ár. Það var svo yndislegt að spila aftur. Ég er alveg hissa hvað ég gat ennþá, þarf samt að þjálfa aftur upp tæknina en það kemur bara með æfingunni.

Planið er að vera orðin nógu góð næsta haust til að komast í lúðrasveit. Ég held að það myndi hjálpa mér enn frekar í að læra meira og þjálfa upp ýmsa tækni. Held að þetta geti orðið mjög skemmtilegt.

Jól á morgun, innpökkun í gangi. Meira síðar ;)

Kveðja, Helga.

2007-12-17T23:09:00.000Z

3D, hvað er það?

Annasöm en mjög góð helgi að baki. Allt er jú gott sem endar vel ;) Næstu daga verður líka nóg að gera en það styttist nú í jólafrí.

Í kvöld ákváðum við Guðný Lára að nýta okkur 2 fyrir 1 í þrívíddarbíó. Tilraunin var semsagt framkvæmd í kvöld. Sá einstaklingur sem fann upp þrívíddarbíó gerði greinilega ekki ráð fyrir "eineygðu" fólki í bíó. Ég sem sagt sá myndina en ekki í þrívídd. Hefði næstum viljað sjá bara myndina í móðu, hefði þá getað verið með riot í afgreiðslunni hehe ;) En Beowolf er góð, þrátt fyrir að sjá hana ekki í þrívídd :) mæli alveg með henni.

Í dag eru 2 vikur og 2 dagar þangað til Ósk og Harpa fara út, sem þýðir að það eru minna en 2 mánuðir í að ég fari út! Vá hvað tíminn líður hratt. Er orðin ótrúlega spennt! Er að fara í bólusetningu á fimmtudaginn, allt að gerast :)

Er reyndar líka orðin spennt fyrir áramóta matarboðinu og partýinu okkar. Good times ahead ;)

Hef annars ekkert merkilegt að segja. Vinna og sofa er aðal málið þessa dagana.

Chiao, Helga.

2007-12-13T23:03:00.000Z

Heyrnalaus, raddlaus, svefnlaus...

Kannski dálítið ýkt en ég er ss búin að vera vel kvefuð núna í alltof langan tíma. Tala eins og ég sé alveg að fara að gráta, röddin alltaf við það að bresta, hósta eins og mér sé borgað fyrir það og er með svo miklar hellur að ég heyri varla neitt nema í sjálfri mér. Var einmitt sett á speaker niðrí vinnu í hóstakasti. Það var ss hringt í mig úr vinnunni til að spyrja mig út í villu og ég fékk hóstakast... fjör :-)

Ég horfði á Zeitgeist um daginn. Mér finnst þetta afar merkileg mynd. Hún vakti mig til umhugsunar, vakti upp hjá mér reiði og vanmátt. Eftir að horfa á svona mynd langar mig að gera eitthvað sem skiptir máli.

Hvað er hægt að gera?

Helgin er ætluð til jólagjafainnkaupa, föndurs, konfektgerðar, þrifa og vonandi kemst einnig fyrir heimsókn í Hveragerði.

Byrjaði að spila á melodicuna aftur í kvöld. Ansi mörg ár síðan ég hef spilað á hana. Vantar samt fleiri nótur til að æfa mig á.

Smá tilraun verður framkvæmd í næstu viku. Við stelpurnar ætlum í þrívíddar bíó. Það verður gaman að sjá hvað gerist hjá mér. Það er ekki hægt að horfa á myndina nema með þrívíddargleraugunum, spurning hvort ég sjái hana?! Svo erum við að hugsa um að vera með riot ef ég sé ekki myndina og heimta endurgreiðslu hehehe...

Jæja, horfa á Grey's og fara svo að sofa.
Adieu, Helga.

2007-12-04T21:07:00.000Z

Jólapartý og laufabrauð.

Jæks það er orðið stutt í jólin. Fór í laufabrauð í Hveró síðasta laugardag. Var á hraðferð þar sem það var jólapartý hjá Vodafone um kvöldið. Ósk kom með mér í laufabrauðið og ég verð nú bara að segja að ég skemmti mér nokkuð vel. Lilja las fyrir mig Snúð og Snældu og hjálpaði mér að skera út laufabrauð og Matthías minnti mig á að ég á eftir að gefa honum afmælisgjöf. :)

Ég er að vinna ansi mikið þessa dagana en það verður þess virði þegar ég fer til Thailands. Stutt í jól, stutt í Thailandsför, mikið eftir að gera...

Jæja, hef ekki tíma til að skrifa meira. Hendi meiru inn seinna, ásamt myndum ;)

Kveðja,
Helga.

2007-11-25T21:41:00.000Z

Beware of the crazy techie...

Eigum við eitthvað að ræða það hvað var gaman að skjóta leirdúfur í gær? Það var svo gaman að ég talaði við pabba í dag til að kanna möguleikann á að fara með honum á skytterí. Ég reyndar hélt að hann ætti bæði haglabyssu og riffil í lagi, en það er víst bara riffillinn sem er í lagi. Haglarinn er víst orðinn antik og eitthvað bilaður. En þá er spurning hvort maður fái ekki bara að æfa sig með riffilinn... :p

Það voru ýmsar skemmtilegar umræður í gangi í gær á tækniborðsdjamminu, meðal annars kom enn og aftur upp umræðan um neyslusamfélagið. Við vinkonurnar erum búnar að taka þá ákvörðun að gera okkar besta til að sniðganga stórar keðjur. Það er erfitt og hreinlega ekki alltaf hægt, en við gerum okkar besta. Það eru allt of margir sem eru til í að láta allt yfir sig ganga. Það eru kannski ekki stórir hlutir sem ein manneskja getur gert, en því fleiri sem ákveða með sjálfum sér að leggja sitt af mörkum, hvort sem það er með því að sniðganga ákveðnar vörur, ákveðin fyrirtæki eða taka þátt í mótmælum, því meiri áhrif hefur það. Ég á erfitt með að skilja fólk sem er alveg sama. Skil ekki hvernig nokkurri manneskju getur verið sama og leyft risunum að vaða yfir sig á skítugum skónum.

Jæja, siðferðispistli dagsins lokið hehehe.

Fékk loksins einn dag í slökun. Ætlaði að nota hann til að fara í Hveró en þar sem það var svo vond spáin fyrir kvöldið, þá hætti ég við og fór í mat til ömmu í staðinn. Á morgun hefst svo geðveikin enn á ný þannig að ekki láta ykkur bregða þó það verði ekki annað blogg alveg strax ;o)

Luv, Helga.

2007-11-24T01:54:00.000Z

Já, já, ég er á lífi.

Langt síðan síðast og allt það. Ef ég ætti að skrifa um allt sem ég er búin að vera að gera undanfarið, þá held ég að það yrði svona 7 blaðsíðna ritgerð. Ætla því að taka bara út smá lista:

Skipulagsnefnd fyrir bústaðarferð
Skemmtinefnd fyrir milljónasta símtalið
Aukavinna í nethjálp
Fór til London í staðinn fyrir bústað
Airvawes
Nokkrir aðrir tónleikar
Afmæli
Karla- og konukvöld
Meiri aukavinna
Og eitthvað fullt meira sem ég man ekki akkúrat núna...

Fer ekki á neitt jólahlaðborð í ár. Það verður mjög skrýtið. Er búin að fara á jólahlaðborð árlega í, vá, hvað, c.a. 8 ár +/-. Það verður þó jólagleði sem verður eflaust mjög skemmtileg. Jólahlaðborðið hefur bara einhvernveginn verið upphafið að jólastemmningunni undandfarin ár þannig að já, þetta verður skrýtið og skemmtilegt :)

Er að fara á morgun að höndla skotvopn. Leirdúfur verða skotmörkin. Hver veit nema þetta verði til þess að maður plati pabba í að fara með mig að skjóta, eitthvað sem átti víst að gerast þegar ég var, já, töluvert yngri :) Sumir eru nú þegar með miklar sigur yfirlýsingar. Enda nokkrir í hópnum töluvert vanari en aðrir.

Búið er að ákveða að það verði áramótapartý á Hverfisgötunni. Grímuþema er algjörlega málið. Fancy fólk með fancy grímur og fancy kokkteila. Enda búið að bæta töluvert í kokkteiluppskriftasafnið. Einhvernveginn bættist t.d. kokkteila-menu af flottum stað í London í safnið. Hmmm... hvernig skyldi það hafa gerst...?

Ég lét á endanum undan þrýstingi og stofnaði "síðu" á facebook. Þegar Helga Dögg var farin að pressa á mig, þá gat ég ekki lengur sagt nei :D

Mamma var eitthvað að hræða mig með vondri veðurspá fyrir sunnudaginn, sem væri nú eftir öllu. Mig langar svo í Hveró. Alltof langt síðan ég hef haft tíma til að stoppa almennilega í Hveró. Maður er bara farinn að sakna Hvergerðinganna sinna. Alltaf einhver stutt stopp í gangi. Voða leiðinlegt.

Þetta er voða asnalegt blogg eitthvað. Held að ég sé ekki með nógu mikilli rænu í augnablikinu til að skrifa eitthvað af viti eða í einhverju samhengi. Er bara of þreytt. Þarf líka að vakna snemma á morgun. Þannig að...

koss og knúsar til ykkar allra :)

2007-10-13T16:13:00.000Z

Bitur!

Ok, ég er geðveikt bitur núna. Ætlaði að gera svo margt í dag, fara í IKEA, taka mynd fyrir ljósmyndasamkeppnina, þvo þvott, versla afmælisgjöf og enda svo á að fara í dýrðarinnar afmælismat heima hjá pabba og mömmu (Hjalti átti afmæli í gær). Nei, nei. Ég voða dugleg og er heima róleg á föstudagskvöldi og er samt orðin aftur veik í dag!!! Búin að sofa í allan dag og treysti mér ekki í að keyra í Hveró en finnst ekkert smá ömurlegt að missa af matnum!

Veit nokkuð einhver um far..?

2007-10-13T04:59:00.000Z

Flashback

Svo litlir hlutir geta glatt mann svo mikið.

Lana, if you read this, I was just talking to a friend who told me he was out driving a white Honda. It made me have so many flashbacks, but the best one was me and you parking in front of Sólveig's house and as we were half way up the path I remembered I hadn't locked the car and turned to lock it. The way you mimicked me... My god, how I can still laugh at those moments :D

2007-10-11T22:45:00.000Z

Meistari Árdís og borheimsóknin.

Tíminn líður hratt... Það er sko búið að vera nóg að gera. Búin að vinna slatta í nethjálpinni, vera veik, missa þolinmæðina yfir hægvirkum kerfum (ha, ég? Það getur ekki verið...) og koma fyrir nýjum/gömlum húsgögnum í stofunni.

Í kvöld kom Ósk í heimsókn og eldaði Mexican style, Hanna mixaði margarítur og á meðan vorum við Guðný sveittar við að skrúfa í sundur hillur og skrúfa aðrar saman. Meistari Árdís mætti svo á svæðið með ofurborvélina til að skrúfa dekk undir hilluna hennar Guðnýjar. Kom reyndar svo í ljós að það þurfti enga borvél. Það var víst bara nóg að skrúfa þau beint í hehehe...

Síðustu helgi fórum við í agalega fínt matarboð hjá Atla á föstudeginum. Elska að sitja í góðra vina hópi, borða góðan mat og drekka gott vín með. Ekkert fyllerísrugl það kvöldið ;) Hinsvegar var svo partý hjá okkur á laugardagskvöldið eftir stutt innlit í afmælið hennar Helgu Daggar. Það kvöld endaði óvart með djammi til 6. Enda var það ansi þunn Helga sem mætti í vinnuna á sunnudaginn. Ég var farin að vorkenna Sverri greyinu undir lokin þegar ég var alveg hætt að geta hugsað og lá alveg utan í honum hehe. Held reyndar að ég hafi jafnvel verið orðin veik, svona alveg til að toppa þynnkuna.

Ætla að reyna að taka því rólega um helgina þar sem það eru svo alveg þrjár helgar eftir það planaðar, eða voru það fjórar..?

Smelli einni Sheriff style með ;)

Ciao, Helga.

2007-09-29T12:03:00.000Z

Lítill nörd.

Í viðbót við að vera farin að vinna á tækniborði er ég farin að taka aukavinnu í nethjálp. Finnst þetta furðulega skemmtilegt :p

Verð að setja inn stjörnuspá dagsins. Finnst hún of fyndin þar sem hún er of rétt:

Ljón: Meiriháttar loftkastalar eru einir virði orku þinnar. Ef hlutirnir eru ekki nógu klikkaðir, hefurðu engan drifkraft. Viltu þetta af öllu hjarta? Þá færðu það.

Dreymdi líka svo sterkan draum sem snerist allur um nýja bílinn minn. Sullaði niður í hann, lenti í massa hópárekstri sem var samt tengdur einhverju massa slysi eða hamförum, er ekki alveg viss hvort, en það var allt í steik við afleggjarann uppá Nesjavelli, á alveg margra kílómetra leið. Svo var ég allan drauminn að hugsa um bílinn eða að keyra.

Varð að fletta þesssu upp, fann reyndar bara ótrúlega einfalda skýringu á þessu og merkilegt nokk, hún meikaði dáldið sens. En ef þessi skýring er rétt á draumnum, þá er ég greinilega að velta mér meira uppúr ákveðnu máli en ég hélt.

En jæja, best að halda áfram að vinna. Var að stelast til að blogga í matnum ;o)

Ciao, Helga.

2007-09-26T10:30:00.001Z

Langt síðan síðast

Ansi langt síðan ég hef bloggað. Margt búið að gerast. Er byrjuð í sjúkraþjálfun, fór á reunion, fór á Ho Down (hlöðuball) á föstudaginn (tækniborð vann bikar fyrir best klæddu deildina), vorum með matarboð á laugardaginn, erum að fá uppþvottavél, búin að kaupa miða til Thailands...

Fer 14. febrúar til Thailands. Hitti Ósk og Hörpu í Bangkok og svo höldum við suður á leið. Kem svo aftur heim 14. mars. Er orðin fáránlega spennt fyrir þessari ferð :)

Um helgina ætla ég svo loksins að klára þjálfunina í nethjálp. Ætla að taka aukavinnu hjá nethjálpinni í vetur til að safna fyrir Thailands ferðinni. Verð orðin gegnsýrður lúði þegar ég er farin að vinna á tækniborði og í nethjálp hehehe.

Er líka búin að kaupa mér nýjan bíl þar sem minn var úrskurðaður látinn eftir bílslysið :( Nýji bíllinn er samt æði. Keypti mér Subaru Legacy, 2005 árg. sjálfskiptan.

Við erum búin að panta bústaði í Úthlíð aðra helgina í nóv þannig að það styttist í fjórðu bústaðarferð þjónustuversins.

Það er búið að vera nóg að gera þannig að ég er engan veginn búin að hitta Sólveigu jafn mikið og ég hafði vonast til að gera, en hún fer aftur út á sunnudaginn.

Nenni ekki að fara nánar út neitt núna. Búin að taka fullt af myndum en er að vinna í myndasíðunni. Get vonandi sett mjög fljótlega inn allar myndirnar.

Eigum við að ræða'etta..?

2007-09-04T21:38:00.000Z

Bíllaus slasarus

Ég og Guðný Lára lentum í bílslysi í gærkvöldi. Erum tognaðar, marðar og bólgnar en engin alvarleg meiðsli.

Bíllinn minn er að minnsta kosti óökuhæfur. Ég er eiginlega að vona að hann sé bara ónýtur svo ég þurfi ekki að eiga tjónabíl.

Er enn dofin af parkódíninu, get ekki skrifað meira.

Ciao, Helga.

2007-09-02T19:14:00.000Z

Helga Techie

Á morgun byrja ég á tækniborði. Get ekki sagt annað en að síðasti dagurinn í þjónustuverinu hafi verið góður en mjög skrýtin. Mjög skrýtin tilhugsun að vera að fara allt í einu að gera eitthvað allt annað á morgun heldur en það sem ég er búin að lifa og hrærast í síðastliðin þrjú ár.

Í gær fór ég í grill hjá Palla bróðir í Hveragerði. Fengum besta lambalæri sem ég hef smakkað (bara fyrir þig Palli ;o) og allskonar dýrðlegar kræsingar.

Ég held að ég sé mjög heppin með fjölskyldu. Allavegana veit ég ekki um mjög marga sem öskra og grenja úr hlátri þegar fjölskyldan kemur saman. Það fengu að fjúka nokkrir brandarar í gær og ég bara hef ekki hlegið svona mikið lengi.

Eftir matinn var brunað í bæinn. Skutlaði ömmu fyrst heim og að sjálfsögðu héldum við áfram að kjafta og hlæja, fór svo niðrí bæ í kveðjupartý hjá Ómari Diego, Jón Bjarna og Pétri. Ég ætlaði nú bara rétt að kíkja en af einhverri ástæðu var alltaf verið að splæsa á mig á barnum þannig að þetta endaði í skotum og vitleysu. Skemmti mér mjög vel í gær. Endaði ein með Árdísi á djamminu og hún er bara einn sá mesti snillingur sem ég veit um.

Það er ekki oft sem ég verð þunn en í dag var ég þunn. Fór því út í búð og keypti mat fyrir svona 7-8 manns (geri þetta alltaf í þynnku, veit ekki af hverju) og eldaði súper þynnku-brunch. Vissi svo ekki alveg hvað ég ætti að gera við afgangana. Kom síðan á daginn að ég þurfti ekkert að hafa áhyggjur af afgöngum. Sigurhjörtur fór létt með að torga þessu haha :o)

Best að fara og fá sér kvöldmat og pönnukökur. Það er enn nóg eftir af snarli þó að maturinn hafi klárast hehehe

Adios amigos.

2007-09-02T05:13:00.000Z

I wanna...
I wanna...
I wanna...

Af hverju vill maður alltaf það sem ekki er í boði eða er af einhverri ástæðu ekki hægt að framkvæma..?

2007-08-30T22:30:00.000Z

Lífið er appelsína...

Það er ekki jafn hamingjusöm stúlka sem bloggar í dag og síðast.

Undanfarin ein og hálf vika hefur ekki verið auðveld. Afi Siggi kvaddi okkur á mánudaginn. Hann greindist með krabbamein í brisi í maí. Það var þá strax vitað að ekki yrði mikið hægt að gera en aldrei datt manni í hug að þetta tæki svona fljótt af. Afi þurfti þó að minnsta kosti ekki að kveljast lengi. Hann hefur fengið friðinn og vona ég að hann sé á betri stað núna.

Í dag eiga mamma og amma Rúrý afmæli. Ég óska ykkur innilega til hamingju með afmælið þrátt fyrir að það sé kannski ekki auðvelt að gleðjast akkúrat núna.

Í öllu þessu er ég samt svo þakklát fyrir að hafa fengið tækifæri til að eyða aðeins meiri tíma en venjulega með afa og ömmu undir lokin. Ég er líka óendanlega þakklát fyrir að við fengum yndislega kvöldstund hjá afa á sunnudagskvöldið þar sem sjúkrahúspresturinn kom og spjallaði við okkur og fór með kvöldbæn. Einnig var allt starfsfólkið á krabbameinsdeildinni svo yndislegt og það var svo fallega búið um afa eftir að hann fór og áttum við þá aftur yndislega stund með afa og prestinum.

Á laugardagskvöldið fór ég í grill heima hjá pabba og mömmu. Það voru samtals 25 manns í mat. Við fórum svo öll í brekkusönginn á blómstrandi dögum. Ég var nú ekki í miklu partýstuði þannig að ég hélt nú bara heim á leið eftir það. Það er samt alltaf jafn gaman að kíkja á brennuna og hitta allt fólkið sem maður sér einmitt bara einu sinni á ári.

Á morgun er síðasti dagurinn minn í þjónustuverinu. Ég er enn ekki að ná þessu og veit svei mér ekki hvort ég á að vera meira kvíðin eða spennt. Síðustu daga hef ég mest megnis verið að semja leiðbeiningar og aðstoða og kenna nýjum vaktstjórum. Vildi þó óska þess að ég hefði meiri tíma, gæti gert þetta betur. En svona er lífið. Ég get líka huggað mig við það að það er frábært fólk sem er að taka við og ég veit að þau ráða öll við að vera kastað út í djúpu laugina.

Ég veit ekki alveg hvað ég á að skrifa. Er agalega tóm þessa dagana. Get þó allavegana sagt frá því að mér og Guðnýju tókst í gær að klára Super Mario 1. Og já, ég er svo heppin með vini og meðleigjendur. Veit ekki hvernig síðustu dagar hefðu verið án þeirra. Þegar ég er agalega miður mín, þá er bara tekinn smá Mario, nú eða saminn Super Mario drykkjuleikurinn, kíkt á kaffihús og bara allskonar skemmtileg vitleysa framkvæmd :) Takk yndin mín, þið eruð algjörir Life Savers.

Kveðja, Helga.

2007-08-22T01:03:00.000Z

Vel heppnuð menningarnótt

Helgin var öll æðisleg. Á laugardaginn fór ég út að borða með Ósk, Gígju, Sigurhirti, Guðný Láru og einhverjum vinkonum Guðnýjar Láru á austur Indía fjelaginu. Var svo með afmælispartý um kvöldið og fór svo á Gus Gus á Nasa. Þetta var allt svo yndislegt. Maturinn var geðveikur, partýið frábært í alla staði og Gus Gus alveg geðveikir.

Við skáluðum í Bollinger í partýinu og þar voru sögð mjög svo falleg orð og horfðum svo á flugeldasýninguna af svölunum. Ég á svo dásamlega vini að ég á ekki til orð yfir það :o) Á Gus Gus dönsuðum við svo af okkur fæturna. Ekki var svo verri sunnudagurinn þar sem þá fékk ég restina af húsgögnunum mínum og svo þegar var búið að koma þeim fyrir þá fengum við okkur síðbúinn brunch við nýja borðstofuborðið.

Er svo búin að eyða kvöldinu í að gera brauðrétt og baka kryddbrauð. Fékk reyndar aðstoð þar sem Ósk var í heimsókn. Hún getur náttúrulega aldrei bara setið auðum höndum hehehe ;o) Kræsingarnar verða svo bornar fram niðrí vinnu á morgun.

Ég er búin að fá fullt af pökkum, svooo flottum pökkum. Takk öll fyrir það :o)

Atli og Unnsteinn fengu afhent í kvöld þannig að planið er að hjálpa þeim á morgun. Ætla nú samt fyrst að fá mér eitthvað gott að borða.

Takk enn og aftur allir yndislegu vinir mínir fyrir frábært kvöld og fyrir að vera til :o)

Kveðja frá einni hamingjusamri...

2007-08-14T00:34:00.000Z

Gus Gus og menningarnótt

Gus Gus og menningarnótt á laugardaginn, víí... :o) Einnig smá afmælisteiti hjá mér. Nánar um það síðar.

Var að koma af Death Proof. Shit hvað þetta er crazy góð mynd. Tarantino klikkar ekki frekar en fyrri daginn :o)

Ég, Ósk og Guðný grilluðum veislumat í kvöld og fórum svo í bíó. Þegar við komum heim var Sigurhjörtur kominn í síðasta borðið í Super Mario 3. Mario var kláraður í kvöld. Mario-þonið er þó ekki búið. Nú er bara að byrja upp á nýtt, hehe ;o)

Ætla ekki að hafa þetta lengra í bili. Au revoir, Helga.

2007-08-06T16:14:00.000Z

Helga - Yfirbarþjónn

Ansi góð helgi búin. Byrjaði á að passa Matthías og Pétur á föstudaginn. Fórum í Nexus, pöntuðum pizzu og horfðum á video. Eða réttara sagt horfðu strákarnir á video og ég var hálf rænulaus í sófanum.

Á laugardaginn grilluðum við og sátum hér í partýi fram eftir kvöldi. Ég stóð mest allt kvöldið við "barinn" (eyjuna) og hristi kokkteila. Er búin að komast að því að það er dáldið hætttulegt að leyfa mér að vera við stjórn á barnum. Það þýðir að það er alltaf nóg í mínu glasi, sem þýðir Helga = drukkin, jafnvel of drukkin. Hringdi t.d. í Palla og las eitthvað bull inná talhólfið hans þar sem mér fannst svo agalega fyndið að Stebbi Magg væri í partýinu mínu, sendi aulahúmors sms og já, var almennt afar hress hehe ;o)

Endurtók svo leikinn í gærkvöldi. Drakk alltof marga kokkteila og var aftur svona eiturhress og enn og aftur sendi ég aula sms, lenti í ansi vandræðalegu mómenti þar sem ákveðin eiturhress manneskja var að improvise-a bull tengdu mér við annan aðila, dansaði uppá barstólum og ég veit ekki hvað og hvað...

Held að við þurfum að ráða nýjan barþjón hingað á Hverfisgötuna hehehe...

Annars voru allir svona eiturhressir eftir kokkteilana. Það er búið að taka búðarkerru race á Laugaveginum, kraftgöngu keppni og ég veit ekki hvað og hvað.

Já, fyrir utan að öll kvöldin eru búin að byrja á Super Mario spilun. Ég er búin að vera æst í Mario alla helgina hahaha. Bara snilld :o)

Verð að láta fylgja með mynd af Transformers Mr. Potato Head. Finnst hann eitursvalur. Það væri ekki leiðinlegt að eiga einn slíkan...

Heyrumst, Helga.

2007-08-02T00:16:00.000Z

Da Voda B & B

Þá er bingódólgurinn flutt inn og dómarinn flytur inn á morgun. Komnar með sófasett, leikjatölvur og allt að verða ready :)

Á laugardaginn verður svo innflutnings geimið. Ætlum að hafa þetta grillpartý þannig að þetta verður snemmkvölds partý. Ef þú ert cool, þá er boðskort á leiðinni til þín. Ef þú ert cool en færð ekki boðskort fyrir laugardaginn, þá ertu bara ekkert cool...! hehehe ;o)

Jæja, er ekkert að nenna þessu núna. Algjörlega dauð eftir daginn. Byrjaði á Boot Camp kl 6:30 og er svo búin að vera í flutningum í dag!

Ciao, Helga.

2007-07-22T23:54:00.000Z

Rjúpnafell

Ég held að það sé með sanni óhætt að segja að við Ósk höfum sigrast á sjálfum okkur í gær. Við vorum semsagt um helgina í Þórsmörk með Vodafone fólki og fórum í 8 klst göngu í gær. Þar af fóru 3 klst í að ganga á Rjúpnafellið sjálft. Fjallið var vel bratt og mikið af stígum þar sem voru klettar og lausamöl. Við vorum það hræddar við brattann og lausamölina að við vorum alveg að guggna á að klára gönguna. Sem betur fer talaði Sverrir okkur í gegnum hræðsluna og við kláruðum gönguna á toppinn. Þvílík fegurð, þvílíkt útsýni, þvílík gleði..! Held að þessari tilfinningu verði ekki með orðum lýst.

Ég fann í smá tíma í dag fyrir smá strengjum í lærum, en það er farið aftur. Aðeins smá blöðrur að hrjá mann og dálítil þreyta. Skil ekkert í að vera ekki laskaðri en þetta :)

Það er enn eitt búið að bætast á eftirvæntingar listann og það er hönnunarsýning í Mílanó í apríl með Guðný Láru. Jesús hvað þetta á eftir að vera skemmtilegur vetur. Ég kemst bara ekki yfir það þessa dagana hvað lífið er yndislegt, hvað ég á frábæra vini og er í frábærri vinnu. Ég held bara að lífið verði ekki mikið betra. La vita est bella... :)

Planið framundan er:
Næsta helgi - vinnuhelgi, jafnvel byrja aðeins á flutningum ef hægt verður.
Helgi 2 - verslunarmannahelgi. Ofur grillpartý með DJ og alles.
Helgi 3 - Gay pride.
Helgi 4 - Menningarnótt og hugsanlega afmælispartý. Gus Gus á Nasa. Sólveig kemur heim.
Helgi 5 - Hugsanlega afmælispartý.
Helgi 6 - Ættarmót.

Var einhver að tala um að vera busy..? hehe ;o)

P.S. Myndirnar eru komnar á myndasíðuna mína.

Au revoir mon beaux amis, Helga.

2007-07-20T01:07:00.000Z

Eftirvænting...

Get ekki beðið
...eftir að yfirtaka íbúðina
...eftir að ganga á Rjúpnafell
...eftir að fara til Thailands
...eftir vetrinum (ótrúlegt en satt) þar sem þetta mun örugglega verða einn skemmtilegasti vetur sem um hefur getið með allt þetta hressa lið sem nágranna
...eftir að spila Super Mario og Duck Hunt
...eftir ofurpartýjum á Hverfisgötunni í ágúst
...eftir að fá lánað grillið hjá Hirti. Eeelska að grilla :o)

Sjáumst í 101, Helga.

2007-07-16T19:48:00.000Z

Bingódólgarnir

Já það eru aldeilis búnir að vera skemmtilegir síðustu dagar sumarfrísins. Á miðvikudaginn fórum við gellurnar í bingóklúbbnum Bingódólgarnir út að borða á Ruby Tuesday og svo í bingó í vinabæ. Eftir það var svo farið á Grand Rokk að fá sér eins og einn eða tvo öl til að halda uppá þetta ;)

Á fimmtudaginn fór ég svo á bjórkvöld sem endaði í partýi hjá Steina og Nóra, samstarfsfélögum og nágrönnum.

Á föstudaginn var svo bresk stemmning og farið beint eftir vinnu á pöbbinn. Byrðuðum á Sólon og fengum okkur þar að borða. Sátum svo í garðinum hjá Sirkus fram á nótt og drógum svo gaura frá Suður-Afríku með okkur á Kaffibarinn og Barinn. Þar var dansað fram á morgun. Enduðum svo í pizzu heima hjá Ósk. Var svo dauð kl 7 um morguninn að ég meikaði ekki að labba heim (nánast bara yfir götuna) þannig að ég gisti bara hjá Ósk hehe.

Vöknuðum svo á laugardaginn um 2 leytið, hentumst í sturtu og fórum svo til Daða í bjór. Vorum búin að sitja þar í einhvern tíma þegar við heyrðum í tónlist út á götu. Sáum skrúðgöngu koma niður Snorrabrautina en lögguna koma svo brunandi að og stöðva þau. Það þarf víst leyfi fyrir íslensku tjáningarfrelsi og þau voru ekki með tilskilin leyfi fyrir mótmælunum.

Þetta voru afar friðsæl mótmæli og þegar þau voru stöðvuð, þá héldu þau bara áfram að dansa svo á Snorrabrautinni. Það var ekki fyrr en lögreglan braut rúðuna í bílnum þeirra og klippti á vírana fyrir græjurnar sem einhverjir fóru að vera með læti og verð ég að segja að mér finnst það bara nákvæmlega ekkert skrýtið.

Það sem mér finnst hinsvegar afar skrýtið er hversu litaður allur fréttaflutningur af þessu er. Fyrir utan það að ég hef einungis séð birta hlið lögreglunnar á þessu máli. Ég er ekki manneskja sem tek endilega þátt í svona mótmælum en hafandi verið þarna á staðnum fyrir tilviljun og verða vitni að þessu "police brutality" þá er ég bara svo hneyksluð og sjokkeruð að ég næ ekki upp í nefið á mér. Einum sem tilheyrði mótmælenda hópnum og var bara að dansa þarna í kringum bílinn sem var með græjurnar, eins og allir hinir, fór greinilega eitthvað aðeins of nálægt einum lögreglumanninum sem hrinti honum þá svo illilega að hann flaug c.a. 5 metra og lenti á mér.

Ég er engan veginn sátt við framkomu lögreglunnar við friðsama mótmælendur. Ef lögreglan hefði bara leyft þeim að halda áfram og dansa niður laugaveginn þá hefði þetta bara endað niðrí bæ og klárast þar. Friðsamlega. Í staðinn þá var komið svona fram við þau og því endaði þetta í að verða mótmæli gegn yfirvaldinu.

Læt fylgja með mynd þar sem er verið að henda einum aftur í lögreglubíl eftir að hafa verið svo harkalega keyrður niðrí jörðina af svona 7-10 lögrelglumönnum að hann hlýtur bara að hafa slasast eitthvað. Takið eftir að hann er handjárnaður aftur fyrir bak og fætur festir saman með svona plast dæmi (man ekki hvað þetta er kallað). Honum var kastað svona inn, gat ss ekki sett fyrir sig hendurnar eða neitt slíkt og hefur því væntanlega lent á andliti og bringu.

Allavegana, þrátt fyrir að hafa orðið ansi reið eftir að verða vitni að þessu, þá var svo haldið í Hafnarfjörðinn í mat hjá Katrínu. Eftir matinn var svo svaka partý þar sem mikið stuð var á liðinu. Ég dróg t.d. Hjört á djammið, sem var bara mjög skemmtilegt :) Síðan var að sjálfsögðu haldið niðrí bæ og tjúttað meira.

Eftir allt þetta var nú orkan eitthvað lítil í gær. Við Ósk urðum því agalega glaðar að fá afganga hjá Katrínu þegar við fórum að sækja bílinn minn og dótið okkar. Fórum síðan heim og tókum þynnku-video á þetta :)

Verð nú að tjá mig aðeins meira um íslenska blaðamennsku. Hvernig stendur á því að DV birtir grein um gæði sjónvarpsefnis yfir ADSL og ljósleiðara og vísar í fólk sem talað var við hjá RÚV, Seltjarnarnessbæ og Símanum en segir svo bara að t.d. þjónustuver Vodafone vísi á 365 og að 365 vísi á Vodafone. Verð nú bara að segja að þetta eru ansi margir starfsmenn sem er verið að "vitna í". Fyrir utan það að þjónustuverið svarar aldrei fyrirspurnum blaðamanna. Það er af góðri ástæðu sem stærri fyrirtæki eins og t.d. Vodafone hafa almannatengsla fulltrúa. Ef DV sér ekki sóma sinn í að leita til réttra aðila eftir upplýsingunum, þá finnst mér þeir vera að gera lítið úr sjálfum sér og ómerkja eigin fréttir. Fyrirgefið, en ég get ekki skilið svona vinnubrögð eins og hjá þessum Trausta Hafsteinssyni, þeim sem skrifar fréttina.

Er nú samt bara eiturhress, þrátt fyrir smá mánudags tuð hehe ;o) Ég meina, hvernig er annað hægt þegar við Guðný Lára erum búnar að plana tölvuleikja-/sjónvarpshorn, ég fer alveg að fá nýja nettengingu heim, Vodafone tengingu ;o), Hjörtur ætlar að lána mér grill þangað til hann flytur og strax plönuð tvö partý í ágúst. Fyrra um versló og seinna verður afmælispartý :D Já, alveg rétt. Væri alveg til í kassagítar í afmælisgjöf. Reyndar væru peningar eða eitthvað sem nýtist í Thailandsför ekki leiðinlegt heldur. Bara svona af því að ég veit að þið ætlið öll að gefa mér afmælisgjöf hehehe ;o) Allavegana getur þú, mamma, ekki kvartað núna undan að ég segist aldrei vilja neitt í afmælisgjöf haha :D

Adios amigos, Helga.

2007-07-12T15:00:00.000Z

Leiga - check!

Skrifa undir leigusamning á morgun fyrir íbúðina á Hverfisgötunni. Þarf því ekki að flytja lengra en á milli herbergja :) Krimmarnir sem ætla að leigja með mér eru þessir:

Guðný Lára

Harðkjarna kvenndi, handrukkarar óttast hana, enda þekkt fyrir dólgslæti.

Hún vinnur í þjónustuveri 365 og terrorisar saklausa Stöðvar 2 áskrifendur. Enginn kemst upp með einhverja stæla eins og að fá lagaða áskriftina eða aðstoð með bilaðan myndlykil. Reyndu ekki einu sinni að biðja um yfirmann. Hún étur þig lifandi.

Guðný er fyrsta flokks, enda á hún ættingja í Hveragerði. Hver man ekki eftir Pamelu, stjórnandi skrifstofu skólans með harðri hendi. Nú eða í kennslu í tölvu-pikki, öðru nafni ritvinnslu.

Gættu þín að mæta henni ekki á hjóli í einhverju dimmu sundi...

Sigurhjörtur

Ofur tölvunörd með meiru. Eins gott að gleyma ekki að læsa tölvunni nálægt svona gaurum, aldrei að vita hvaða terrorismi verður unnin á tölvunni. Eins gott að þykjast ekki vera klár á einhver kerfi eða forrit nálægt honum, hann gæti talað þig í kaf. Hver veit nema hann loki á úthringingar, óvirki vinanúmer eða jafnvel loki endanlega á þjónustur þínar í CRM ef honum líkar ekki vel við þig...!

Sigurhjörtur er líka ofur djammari. Endist lengur en djöfullinn sjálfur. Er líklegur til að mæta þér og vera haldandi heim á leið þegar þú ert að fara út í kvöldmat daginn eftir. Svo drekkur hann þrjá þrefalda Cuba Libre í morgunmat...!

Sigurhjörtur vinnur í þjónustuveri 1414 þar sem hann kæfir aðrar deildir með ábendingum á því sem má betur fara. Að sjálfsögðu alltaf tæknilegar ábendingar á þau kerfi sem við vinnum með.

Þetta ofur Vodafone teymi er ss að fara að leigja saman á Hverfisgötunni frá og með 1. ágúst. Strax eru uppi hugmyndir um grillpartý um verslunarmannahelgina. Að sjálfsögðu verður leiðindaskörfum og fýlupúkum hent á grillið!

Endilega kíkið í heimsókn, ef þið þorið...

2007-07-12T00:50:00.000Z

Ferðalangur snýr aftur.

Komin heim frá London. London var æði. Æðislegt að hitta Sólveigu og djamma, borða góðan mat og svo að sjálfsögðu að versla smá. Fyndið frá því að segja að ég hitti einmitt Sirrý frænku í Topshop.

Tók eitthvað af myndum og ætla að gera enn eina tilraun til að henda myndum á netið.

Nú styttist í að sumarfrí verði búið en enn er nóg eftir að gera. Pabbi var þó svo æðislegur að spara mér hellings tíma (og vesen) og lagaði ljósin á bílnum mínum, fór aftur með hann í skoðun og bónaði hann. Ég ek því um á nýskoðaðri glæsikerru í dag :)

Nú er víst óhætt að segja frá því að ég er að fara á tækniborð hjá Vodafone í haust. Þó ég eigi eftir að kveðja vaktstjórastöðuna með miklum trega í hjarta, þá held ég að þetta sé tímabær breyting og verði bara skemmtilegt.

Er á fullu núna að redda leigumálum og hlutirnir bara strax farnir að líta nokkuð vel út. Veit þó ekkert með vissu fyrr en á morgun. Þá er bara að krossa fingur og vona að þetta gangi allt eftir ;o)

Annars fóru ég, Ósk, Hanna, Heiða, Guðný Lára og Gígja á bingó í vinabæ í kvöld. Þetta var nú bara helvíti skemmtilegt og spennandi, eða eins og Guðný sagði; hver þarf fallhlífastökk þegar hann hefur bingó? Hehehe...

Góða nótt, Helga.

2007-07-03T00:25:00.000Z

Styttist í London...

Jæja, þá styttist í London. Hef aldrei áður farið til London og hlakka þvi mikið til. Get ekki ímyndað mér annað en það verði mikið stuð á okkur Sólveigu :)

Í dag, 3. júlí, eiga Palli bróðir og Kristinn Berg (Thelmu og Adda) afmæli. Til hamingju með daginn!

Helgin var æðisleg. Við Ósk gengum aftur á Esjuna á föstudaginn. Mættum svo sveittar og skítugar beint eftir gönguna í grill og pottapartý hjá Atla og Unnsteini :p Og já, Unnsteinn gerir besta Cappucino sem ég hef smakkað. Er farin að drekka stundum kaffi eftir að smakka kaffið hans Unnsteins, sjæse. Átti ekki von á að ég myndi nokkurntímann í lífinu drekka kaffi hehe ;o)

Á laugardaginn var SVO (starfsmannafélag Vodafone) með innipúkann upp í Heiðmörk. Þar var farið í leiki, grillað og svo mætti trúbador á svæðið. Eftir þetta var haldið í partý og svo var að sjálfsögðu djammað fram undir morgun :) Ósk kom svo og náði í mig uppúr hádegi í gær og dró mig niðrí bæ í góða veðrið. Byrjuðum á að sitja í garðinum hjá Hressó en færðum okkur svo á Austurvöll. Þar safnaðist saman fullt af fólki. Þarf að henda inn myndum við tækifæri. Og þá meina ég þegar ég get notað netið í borðtölvunni. Get bara bloggað í lappanum af því að ég er á vinnunetinu. En jæja, nenni ekki að tuða meira yfir þessari Hive tengingu, það styttist víst hvort eð er í flutninga...

En já, í góða veðrinu náði ég mér í gott hill-billy tan. Er ss með hálsmál og ermar. Ég man bara aldrei áður eftir að hafa fengið svona tan, þetta er alveg hrikalega fyndið hehe.

Klúðraði svo deginum í dag með því að gjörsamlega sofa hann af mér. Rétt náði þó að panta tíma í klippingu, loksins hehe.

Bæti myndum við þetta á eftir ef ég get. Er með snilldar myndir frá helginni :)

Heyrumst, Helga.

2007-06-28T01:00:00.000Z

Göngugarpur?

Í dag (miðvikudag) gengum við Ósk á Esjuna. Erum farnar að hita upp fyrir Rjúpnafell. Sáum það að við þurfum á æfingunni að halda (allavegana ég hehe) og því er stefnan tekin á göngu nr. 2 á föstudaginn. Þetta er svoo gaman. Við erum að pæla í hvort við getum ekki tekið fleiri göngur í sumar og þá jafnvel gert útilegu úr því. Það gæti verið gaman að ganga nálægt Rvk eða Hveragerði. Ég veit t.d. um nokkrar leiðir nálægt Hveró sem mig hefur lengi langað að fara.

Á morgun er planið að rífa Guðnýju frá vinnu kl 12 til að fara á línuskauta. Ég er ss búin að skipa henni að hætta kl 12 þar sem hún á að vera í vaktafríi hehe ;o) Svo er stefnan tekin á strandpartý og svo þjónustuvers hitting um kvöldið á Hressó.

Þarf svo eiginlega að nýta einhvern af þessum sólardögum á pallinum hjá pabba og mömmu. Má eiginlega ekki sleppa því, það er svo nice að vera þar í góðu veðri.

Finnst tíminn allt of fljótur að líða og ætlaði helst að vera búin að ansi mörgu fyrir helgina svo síðustu 2 vikurnar í fríinu yrðu bara slökun, en ég á ennþá svo mikið eftir. Næ aldrei að klára þetta allt. En þá er bara að taka lífinu með ró og vera ekkert að stressa sig yfir þessu :)

Ein pæling. Sat á Hressó um daginn að fá mér að borða. Var að glugga í Nýtt líf í leiðinni og rak þar augun í dálk þar sem lesendur eru greinilega að senda inn kynlífstengdar spurningar og biðja um ráð. Greinilegt var að yfirleitt er það kvenkynið sem sendir inn spurningarnar en í þessu blaði var karlmaður að senda inn spurningu. Hann var að velta fyrir sér hvort ekki væri hægt að skrifa um mismunandi fullnægingar karlmanna þar sem svo oft væri rætt um mismunandi fullnægingar kvenna. Greyið maðurinn fékk bara einhverja tölfræði í svarinu þegar ég er alveg viss um að hann var ekkert að pæla í hver væri meðal tími fullnægingar karla í sekúndum. Mig langaði mest að skrifa blaðinu og benda á svörin sem hann var að leitast eftir hehehe. Svona er maður bilaður. Ekki bara fyrir að vera með á hreinu hver svörin ættu að vera heldur fyrir að actually langa til að hjálpa manninum hahaha ;o) Kannski þetta sé samviskusami þjónustufulltrúinn...?

Chiao, Helga.

2007-06-26T17:23:00.000Z

Komin í frí.

Þá er ég komin í sumarfrí. Slökun er ekki enn hafin en það er alveg að koma að því :)

Fór í gær á niðjamót M&M fólksins. Þetta var mjög skemmtilegt en þetta var dáldið mikið af fólki þannig að það tók allt frekar langan tíma. Mér skilst að það hafi mætt 320 manns! Fannst mjög fyndið þegar ein var að lýsa forvitninni sem einkennir þessa ætt. Ég mun örugglega tileinka mér setninguna hennar, ef maður er ekki forvitinn, þá lærir maður ekki neitt. ;o)

Tók stóra ákvörðun í dag sem þýðir að það eru breytingar framundan. Samdi í leiðinni um að geta farið í mánuð til Thailands með Ósk eftir áramót.

Sit núna fyrir utan Óliver að chilla með Monaco og eplaköku með ís í góða veðrinu. Ætlaði að klára ferlaverkefnið en kemst ekki inná vinnunetið þannig að það verður enn og aftur að bíða aðeins.

Jæja, kakan var að koma og Ella á leiðinni hingað.

Heyrumst, Helga.

2007-06-23T08:30:00.000Z

Djammarinn mikli. Eða hvað...?

Komst að því í gær að það er greinilega ekki búist við neinu öðru af mér en djammi um helgar. Það streymdu inn sms-in í nótt í stríðum straumum að kanna hvar ég væri. Svo var hlegið að mér þegar ég reyndi að vera agalega saklaus hehe ;o)

Var reyndar eitthvað tussuleg í gær þannig að ég ætlaði bara að fara snemma að sofa. Held ég hafi verið sofnuð milli átta og níu í gærkvöldi en vaknaði aftur um 12 leytið og náði þá ekki að sofna aftur fyrr en um þrjú leytið. Er alltaf að sjá það betur og betur að ég bara kann ekki að fara snemma að sofa!

Varð agalega glöð yfir að vera ekkert að þvælast í Hveró þegar ég sá þessa frétt á mbl í gær:

Samfelld röð bíla frá Rauðavatni að Selfossi

Mikil umferð er nú á Suðurlandsvegi og er samfelld röð bíla frá Rauðavatni að Selfossi. Bílstjóri sem staddur var á Kambabrún kvaðst vera búinn að aka á 10 km hraða frá Rauðavatni og þegar hann horfði yfir Ölfusið sá hann samfellda röð bíla alla leið á Selfoss.

Annar bílstjóri hringdi og bað um að komið væri með nesti til sín en sá var staddur við Rauðavatn og sjá bara endalausa bílaröð og var búinn að frétta af bílalestinni.

„Ég held að ég komist ekki heim fyrr en á sunnudag; þú verður að koma með nesti,“ sagði hann. Greinilegt er að mikil ferðahelgi er hafin á Suðurlandi enda spáir góðu veðri um helgina.

Helga Dögg hringdi einmitt í mig í gær og þau voru þá búin að vera 15 mín frá hringtorginu inn á Selfoss að brúnni. Ég hef ekki þolinmæði í svona umferð. Thank God I stayed home ;o) hehe

En jæja, enn ein vinnu-sólarhelgin. Hver vill hanga með mér úti í sólinni eftir vinnu?

Heyrumst, Helga.

2007-06-20T17:34:00.000Z

Valkvíði, enn og aftur.

Já það er sko ansi margt í gangi hjá mér þessa dagana. Endalaus utanlandsferðaplön ásamt svo mörgu öðru. Er t.d. að íhuga tilboð sem ég fékk á mánudaginn sem ég er ekki alveg að geta ákveðið mig með. Þjáist því af valkvíða á háu stigi þessa dagana.

Fór á mánudaginn til ömmu og borðaði með henni og Hlíf. Sátum svo frameftir að kjafta. Agalega nice eitthvað :) Tók að sjálfsögðu að mér smá verkefni (ekki við öðru að búast af mér, hehe) og gisti svo hjá ömmu. Verð bara að segja að það var agalega huggulegt og krúttlegt að gista uppí hjá ömmu og heyra aftur "Guð gefi þér góða nótt". Fékk rosa flashback frá öllum helgunum sem maður gisti hjá afa og ömmu sem krakki. Fékk þá yfirleitt sögu fyrir svefninn og í lok uppáhaldssögunar söng amma líka ljóð tengt sögunni og endaði svo alltaf á að segja "Guð gefi þér góða nótt". Mjög ljúfar æskuminningar sem rifjuðust þarna upp. :)

Verkefnið sem ég tók að mér er nú ekki stórt, ekki í þetta skiptið hehe ;o) Ég er semsagt að skrá family-una fyrir ættarmót M&M fólksins sem verður 25. júní. Er reyndar líka búin að bjóða mig fram í að mæta snemma og dúkka upp borð eða eitthvað slíkt. Komst þá að því að það verður einnig ættarmót í september hjá Arndal ættinni. Nóg að gera í ættarmótum :)

Fór svo á Air í gærkvöldi. Þeir eru svo æðislegir... Ég var samt ekkert brjálæðislega hrifin af norsku stelpunni sem var að hita upp. Held að ég þyrfti að melta aðeins betur hennar tónlist áður en ég gæti sagt eitthvað um hana, en var sem sagt ekkert agalega spennt yfir henni. Svo stigu Air á svið og ég hvarf í mitt "comfort zone". Fór síðan eftir tónleikana niðrí bæ með Atla og endaði óvart á hálfgerðu djammi. Við Atli sátum frameftir að drekka bjór og svo kom Ósk til okkar. Var allavegana komin seint heim þannig að dagurinn í dag varð engan veginn jafn productive eins og hann átti að vera, hehe ;o)

Er á morgun að fara að halda námskeið í vinnunni. Ótrúlegt hvað mér finnst þetta skemmtilegt en gæti samt aldrei hugsað mér að verða kennari. Fékk á mánudaginn 2 frímiða í Smárabíó í lúxussal fyrir framlag mitt til kennslustarfa hjá Vodafone. Fannst það ekkert smá skemmtilegt. Bréfið með byrjaði á orðunum; Kæri "kennari". :D Ég elska þetta fyrirtæki. Það eru allir svo frábærir og yndislegir sem ég vinn með að það er ekki eðlilegt.

Jæja, held að það sé komið nóg af hamingjubloggi í bili hehe. Vona samt að ég nái að smita út frá mér gleðinni :D

Heyrumst,
Helga.

2007-06-17T17:35:00.000Z

17. júní.

Til hamingju með afmælið Hjörtur!

Ég nenni hreinlega ekki í Hveró í dag. Held ég hangi bara í Rvk. Er svo líkamlega þreytt en andlega full af orku. Held ég sé bara hreinlega high on life þessa dagana. Enda ekki annað hægt þegar svona margt skemmtilegt er í gangi.

Nú styttist óðum í sumarfrí og fyrir utan að fara til London að heimsækja Sólveigu, þá ætla ég bara að hanga og gera sem minnst :)

Fór niðrí bæ og hitti fullt af fólki sem ég sé mjög sjaldan. Enda var bærinn troðinn, ekki við öðru að búast 16. júní.

Ég hef svo innilega ekkert merkilegt að segja. Agalega skemmtilegt blogg eitthvað, hehe :p

Chao, Helga.

2007-06-15T16:54:00.000Z

London baby!

Var að kaupa miða til London, vúhú :D Sólveig, ég keypti miða seinni helgina sem við vorum að tala um ;o)

Átti svo ótrúlega skemmtilegt kvöld hjá Ósk í gærkvöldi. Núna eru í farvatninu Thailandsferð og ferð til San Francisco. Algjörlega living it hehe...

Er að fara í afmælis-/útskriftarpartý hjá Dísu í kvöld og svo verður eflaust kíkt á lífið annað kvöld.

Best að fara að koma sér í föstudagsreddingarnar :)

Heyrumst,
Helga.

2007-06-09T01:44:00.000Z

Helgarfrí!

Aaahhh... komin í frí. Verður reyndar ekki svo mikið frí um helgina, en samt. Var í bíó áðan með Atla á Ocean's 13. Átti ekki von á miklu en myndin kom mér á óvart. Mér fannst hún bara nokkuð góð.

Búin að fá bæði góðar og slæmar fréttir í vikunni og þannig er nú bara það. Merkilegt hvað ég átta mig alltaf á hvað ég er í rauninni ekki með nein framtíðarplön, að verða 26 ára, þegar ég fæ slæmar fréttir. Mér virðist bara vera algjörlega fyrirmunað að gera einhver plön önnur en "Líklega geri ég þetta og kannski þetta. Læt það ráðast...". Svona eru plönin mín. Get einhvernveginn ekki komið mér úr þessari "enjoying the moment - lifa fyrir daginn í dag" pælingu. Það er kannski ekki heldur slæmt en held það sé nauðsynlegt að geta gert einhver plön.

Var að ræða leigumálin við Atla áðan. Hann og Unnsteinn eru að spá í að kaupa. Kannski ég ætti að leigja hjá þeim...? Ég verð bráðum komin með svo marga valkosti að ég á ekki eftir að geta ákveðið mig :p

Stefnan er tekin á Hveró á morgun. Grill hjá mömmu og pabba. Væri alveg til í djamm, en held ég hafi gott af chilli. Allavegana, planið nær ekki lengra en þetta enn sem komið er hahahaha... ;o)

Góða nótt,
Miss óákveðin

2007-06-06T23:33:00.000Z

Skál!

Ég var að kaupa miða á Air! Vei :)

2007-06-06T22:58:00.000Z

Leigumál

Jæja, þá er það komið á hreint. Siggi er búinn að segja upp leigunni frá og með 1. ágúst. Hann ætlar að kanna fyrir mig möguleikann á að ég fái að taka við leigunni. Ef það er hægt, þá vantar mig 2 meðleigjendur frá og með 1. ágúst. Ef ekki, þá þarf ég að finna einhvern sem er að leita sér að meðleigjanda.

Vona eiginlega að ég nái að halda þessari íbúð og fá meðleigjendur þar sem ég er að leigja hérna svo ódýrt. Kemur vonandi í ljós fljótlega og hvort ég nái þá að leigja hana áfram svona ódýrt. Núna er bara 100 þús á mán fyrir íbúðina þannig að það væri þá 33 þús á mán á haus. Ekki leiðinlegt það ;o)

Nú þigg ég afskaplega vel að fá comment ef þið eruð að leita eða vitið um einhvern sem er að leita. Allar ábendingar um leigulistann afþakkaðar ;o)

2007-06-04T01:20:00.000Z

Air

Alveg rétt. Gleymdi að segja að Air eru að spila á klakanum 19. júní og gmg hvað mig langar að fara. Held að ég spari samt peninginn fyrst ég er að fara út :-/

Hver vill bjóða mér...? hehe ;o)

2007-06-04T00:46:00.000Z

Löngu komin heim.

Jæja, löngu komin heim og búið að vera nóg að gera. Við Ósk vorum með matarboð og stelpupartý í gær. Ósk töfraði að sjálfsögðu fram þvílíkt yndislegan mat með fordrykkjum og öllu tilheyrandi. Ég fékk þann heiður að gera dessertinn :) Þetta var í heildina yndislegt kvöld, yndislegur matur og yndislegt fólk. Takk öll fyrir komuna og skemmtunina :) Ekki að það hafi neinn verið skemmtilegri en annar en mér fannst æðislegt að Erla og Thelma komu :D

Frakkland var æði. Skoðuðum helling, versluðum, drukkum Monaco og borðuðum Crepur, vorum nánast alltaf í veislumat hjá afa og ömmu, margréttað með rauðvíni og fordrykkjum. Ljúfa líf... ;) Ég talaði frönsku alveg hægri, vinstri. Ætla ekkert að tala um gæði frönskunnar minnar, hehe, en ég allavegana reddaði mér. Átti satt að segja ekki von á að geta bjargað mér svona mikið. Helvíti ánægð með þetta :) Við mamma gerðum tilraun til að fara á djammið en fórum á einhverja hálf leim staði og vorum því komnar ansi snemma heim hehe.

Er búin að ákveða að reyna að komast í byrjun júlí til Sólveigar. Þarf því að fara að leita mér að flugi núna, reyna að fá ódýrt flug. Hlakka ekkert smá til.

Ég nenni ekki að setja myndir inn alveg strax né nánari ferðasögur. Dunda mér kannski við það næstu daga.

Jæja, er búin að sofa allt, allt of lítið síðustu 3 nætur. Best að ganga aðeins meira frá frammi og fara að koma sér svo í háttinn.

Heyrumst, Helga.

2007-05-12T01:23:00.000Z

Farin í frí...

Jæja, þá er ég farin til La Grande Motte. Sjáumst hress um hvítasunnuhelgina :)

Kveð með sólsetursmynd og lagi kvöldsins ;o)

2007-05-07T00:34:00.000Z

Smá update...

Ok, nenni ekki að skrifa brjálaða ritgerð núna. Á eftir að skrifa um Köben, 3 djömm hér heima síðan þá, La Grande Motte á laugardaginn og ég veit ekki hvað og hvað... ;o)

Allavegana, Ella og Katrín redduðu mér fríi þannig að ég er að fara til La Grande Motte. Lítur út fyrir London ferð í lok sumars eða í haust og hver veit nema ég bakpokist smá með Ósk í Thailandi í upphafi árs 2008.

Atli og Ósk standa sig vel í að spilla mér hehe. Endaði því á djamminu í gær í staðinn fyrir að fara í Hveró að chilla eins og planað var. Þetta endaði með að verða frábært djamm. Er svo bara búin að vera að chilla í Hveró í dag.

Verð líka að henda inn afmæliskveðjum til Bergþórs sem varð 27 ára 4. maí, Dísu sem varð 30ug 5. maí og Svandísar sem ég hef ekki hugmynd um hvað varð gömul 5. maí. Til hamingju þið öll. Dísa, pant fá rúnt á hjólinu :o)

En jæja. Meira um þetta allt síðar. Verð að reyna að ná einhverjum svefni í nótt þar sem lítið var um hann þá síðustu ;o)

Over 'n out, Helga.

P.S. Atli fann nýtt nick fyrir mig í gær, Hassa. Verð að viðurkenna að mér finnst það einhvernveginn hallærislega cool...

2007-04-12T00:04:00.000Z

Komin í frí.

Átti ágætisfrí um páskana. Djammaði á föstudaginn langa í Hveró með Palla og Dísu. Var á laugardagskvöldinu hjá pabba og mömmu ásamt allri fjölskyldunni. Páskamaturinn var því á laugardeginum þetta árið og var svo spilað um kvöldið. Á páskadag var ég hjá pabba og mömmu en ákvað svo á síðustu stundu að skella mér í bæinn á djammið með Atla. Skemmti mér mjög vel og var ótrúlegt en satt samferða Íslending upp Laugaveginn í þetta skiptið, hehe.

Fór að vinna í gær en er svo komin aftur í frí. Fór í klippingu í morgun og eyddi svo restinni af deginum í nákvæmlega ekki neitt. Verð að viðurkenna að það er alveg kósý að slappa af en ég held að ég megi samt ekki slaka alveg svona mikið á í fríinu mínu. Fyrir utan það að ég á að heita að vera í keppni, verð að taka mig á. Það væri ekkert leiðinlegt að vinna 45 þúsund og líta vel út í þokkabót ;o)

Ósk átti afmæli í gær. Við kíktum á kaffihús í tilefni dagsins en komum fyrst við hjá nágrannanum hennar til að skoða íbúð sem hann er að fara að leigja. Því miður þá er þessi gaur eitthvað spes þannig að ég vil ekki leigja af honum. Það hefði bara verið snilld að búa á sama stigagangi og Ósk.

Er búin að vera að skoða utanlandsferðir með pabba og mömmu í kvöld. Það er víst ekki enn búið að afskrifa að við förum út. Gæti þessvegna verið að við förum til La Grande Motte, þar sem afi og amma eiga íbúð. Þetta kemur samt allt í ljós.

Núna er orðið minna en tvær vikur í Köben og ég farin að panika yfir árshátíðarkjól og skóm. Ég var að máta aftur kjólinn sem ég ætlaði að nota og hann er ekki lengur nógu flottur á mér. Greinilega búin að breytast töluvert í vextinum síðan í desember :-/ Merkilegt hvað maður þarf alltaf að kaupa allt á sama tíma. Meikið klárast, kremið, ilmvatnið, maskarinn og vaxið allt í sama mánuðinum og þar að auki í sama mánuði og maður þarf að fara í klippingu, fara til Köben á árshátíð, redda árshátíðardressi og helst að fara í ljósatíma til að líta ekki út eins og liðið lík á árshátíðinni. Úff, ég var búin að gleyma öllum kostnaðinum í kringum árshátíðar. Ekki nema ég sleppi þessu öllu. Fari bara berfætt í hippakjólnum mínum og ómáluð, segist vera að mótmæla lífsgæðakapphlaupinu eða eitthvað álíka. Gæti jafnvel verið með blóm í hárinu, hehe ;o)

Jæja, ég sem var ekki einu sinni að nenna að blogga er búin að skrifa þvílíka ritgerð! Ætli það sé ekki best að skríða upp í rúm með bók eftir "erfiðan dag" hehe ;o)

Góða nótt, Helga.

2007-04-09T22:12:00.000Z

Krít 2001

Sigrún var að skanna inn afar fyndnar myndir frá því við vorum á Krít 2001. Verð að henda inn einni mynd. Bara fyndið, hehe...

Nenni ekki að blogga núna, kemur síðar ;o)

2007-04-06T16:58:00.000Z

Djamm í kvöld

Jæja. Þar sem ég hef ekki fengið nein viðbrögð frá Hvergerðingunum mínum, þá er ég að hugsa um að fara í X-Factor / pottapartý hérna í bænum í kvöld í staðinn fyrir að fara í Hveró.

Ósk reyndar stakk upp á því áðan að ég dragi partýið svo bara í Hveró. Það reyndar gæti verið fyndið. Draga þau á ball hjá Hirti og kannski í partý eftir það. Ryðjast t.d. inná Valla hehe ;o)

Ég verð nú samt allavegana í Hveró á morgun og páskadag og mun svo pottþétt verða eitthvað í Hveró í sumarfríinu mínu :o). Já, ég er að vinna þriðjudag eftir páska, fer svo í sumarfrí, vinn sumardaginn fyrsta, fer til Köben daginn eftir og svo er það bara back to work eftir það. Very nice ;o)

En jæja. Best að svara aðeins meira áður en ég fer í dag.

Gleðilega páska, Helga.

2007-04-03T23:31:00.000Z

Úrslitakvöld

Hvernig er það, verður ekki brjáluð stemmning og djamm í Hveró á föstudaginn?

2007-04-03T00:52:00.000Z

Þreyta

Það var ansi skemmtileg bilun í vinnunni í kvöld. Það skemmtileg að ég þurfti að skilja eftir geðveikt mikið af málum sem er ekki gaman. Er því með geðveikt samviskubit núna. Þurfti líka að lesa bilanakveðju á símsvarana sem verður spilað í nótt. Er skemmtilega kvefuð þannig að það var svona smá gert grín að þessu áðan hehe ;o)

Átti annars mjög góða helgi. Fór á SVO-factor á föstudagskvöldið, sem Lovísa í skjalaveri vann by the way. Á laugardaginn skellti ég mér svo í bíó með pabba og mömmu sem var líka mjög gaman. Kíkti líka aðeins á útsölumarkaðinn og keypti mér skó og nokkra boli. Skórnir reyndust svo gallaðir (smá útlitsgalli sem sést nánast ekki) og þar sem þetta var síðasta parið fékk ég þá endurgreidda en fékk samt að eiga þá :o)

Lítur út fyrir að næsta föstudagskvöld verði mjög áhugavert í Hveró þar sem Hildur og Rakel eru að fara að keppa til úrslita í X-factor. Þetta verður mjög spennandi. Ætli maður skelli sér ekki bara á djammið í Hveró...?

Það sem er annars framundan hjá mér er páskafrí (ætla reyndar að taka eina vakt föstudaginn langa), vinna þriðjudag eftir páska, svo sumarfrí, vinna sumardaginn fyrsta og svo er það bara Köben. Apríl ætti því að verða ansi nice hjá mér.

En jæja, ætla að reyna að drullast í háttinn.

Góða nótt, Helga.

2007-03-28T22:05:00.000Z

Shiny Shiny

Ég er búin að finna Vefsíðuna, með stóru vaffi, fyrir mig og aðrar nördagellur (já, já, leyfi mér bara að búa til nýtt orð). Þetta er síða þar sem auðvelt er að nálgast þægilegar, auðskiljanlegar upplýsingar um "stelpu-græjur". Tékkið bara á síðunni ;)

Smá sýnishorn:

Heyrumst, Helga.

2007-03-26T00:33:00.000Z

Keppni!

Já, nú skal tekið á því í ræktinni (já Thelma, ég stal hugmyndinni ykkar, hehe ;) og losað sig við síðustu kílóin með keppnisskapinu. Við Guðný ákváðum í gær að gera keppni úr þessu. Við erum báðar búnar að standa okkur nokkuð vel, en langar að "kick it up a notch". Það er strax fólk farið að sýna keppninni áhuga og vilja vera með. Ef þú vilt vera með, bjallaðu þá bara í mig.

Við erum ekki alveg komin með leikreglur á hreint en allir munu þurfa að setja sér x markmið innan x tímaramma og leggja 5000 kr. í púkk. Sá/sú sem vinnur fær svo peninginn.

Góð helgi búin. Fór í Hveró á föstudaginn. Horfði á X-Factor með Thelmu á Pizza og að sjálfsögðu komust Hildur og Rakel áfram :) Fór síðan til Thelmu eftir það og kom henni aftur á msn (jei) og svo tókum við smá flashback syrpu á radio.blog.club.

Í gær fór ég í afmæli hjá Lilju Rún, borðaði rosa góðan kvöldmat hjá pabba og mömmu, fór til Atla í spjall og rauðvín og fór svo til Guðnýjar í bjór og að sjálfsögðu enduðum við svo á djammi niðrí bæ hehe. Við vorum ansi hressar og vel steiktar. Held að drykkurinn á 11-unni hafi alveg gert útslagið. Ég er allavegana búin að vera hálf þunn eitthvað í dag, ég sem verð aldrei þunn. Enda var KFC í hádeginu algjörlega til að bjarga deginum :)

Annars er lag sem ómar í hausnum á mér eftir gærkvöldið, aftur og aftur. Ætlaði að henda því hérna inn sem lagi helgarinnar en finn það hvergi á netinu :-/ Ég hlýt því að vera að fara rangt með textann eða eitthvað... veit ekki alveg en það sem ómar í hausnum á mér er "I wanna hold you, in my arms..." Ég er að gera sjálfa mig geðveika hehe ;)

En jæja, ég ætla að halda áfram að glápa á TV aðeins lengur áður en ég fer að sofa. Svo er það bara ræktin á morgun :) Myndirnar sem fylgja eru af afmælisbarninu, Lilju Rún, og svo ein af djamminu ;)

Ciao, Helga.

2007-03-21T22:56:00.000Z

SHIT samtökin

Já við vorum að hugsa um að stofna SHIT samtökin í dag. Samtök heimskra Íslendinga, takk. Merkilegt hvað suma daga er eins og bara heimskt fólk hafi samband við okkur. Dagurinn í dag var klárlega dagur heimska fólksins hehe. Ég allavegana hló mikið í vinnunni í dag, sem er bara gott mál, allavegana fyrir mig. ;o)

Mér finnst það ótrúlegt þegar fólk fær sér blogg á mbl.is og bloggar um fréttir. Er svo að fullyrða allskonar vitleysu um mál sem það er greinilega ekki búið að kynna sér, vitandi að það birtist linkur á bloggið við hliðina á fréttinni á einni mest lesnu vefsíðu landsins. Skil ekki alveg í fólki að auglýsa heimsku sína.

Annars var ég að koma heim af kaffihúsi. Við Ósk ákváðum að kíkja aðeins út, ekki að hanga heima fyrir framan tölvuna enn eitt kvöldið. Að sjálfsögðu var rætt um heima og geima og komst ég að þeirri niðurstöðu að ég ætla að reyna að skreppa til London í apríl að heimsækja Sólveigu. Get samt ekki alveg tekið ákvörðunina fyrr en ég fæ útborgað, en held að ég reyni bara að kýla á þetta. Skítt með það þó ég hafi þá ekki efni á að versla í Köben. Versla þá bara einhverntímann seinna ;o) Er eiginlega afar spennt yfir tilhugsuninni núna :o) Vona að þetta gangi upp...

Thelma sendi á mig stjörnuspána mína í gær þar sem henni fannst hún eiga svo furðu vel við mig. Verð að birta hana: "Þú átt marga aðdáendur um þessar mundir en það er einn einstaklingur sem fær þig til að taka eftir sér. Jafnvel þó hann sé ekki þín vejulega týpa skaltu vera með opinn huga. Lífið er fullt af yndislegum og óvæntum atburðarrásum." Já, kannski eitthvað til í þessu. Allavegana aldrei slæmt að vera með opinn huga, ekki satt?

Jæja, nenni ekki að bulla meira núna. Er að hugsa um að halda áfram að vera dugleg að fara "snemma að sofa", ss snemma á minn mælikvarða hehe ;o)

ciao, Helga.

2007-03-18T01:34:00.000Z

Og svo daglega lífið :)

Nóg að gera í vinnunni, búin að bóka sal fyrir reunion þannig að nú er að senda út boð á fólkið, bóka DJ og setja saman dagskrá, vinkonuhittingur verður vonandi í apríl ásamt árshátíð í Köben og hver veit nema ég endi uppí Biskupstungum um páskana. Já nóg búið að vera að gera og nóg framundan.

Í gær elduðu strákarnir fyrir okkur rosa góðan mat. Við fengum tómata með mozarella og basilliku í forrétt, pastarétt, salat og hvítlauksbrauð í aðalrétt og súkkulaðiköku og ís í dessert. Fengum svo rosa gott kaffi lagað af Unnsteini, sem er kaffibarþjónn :) Ég sem drekk venjulega ekki kaffi, hehe ;)

Fór síðan aðeins niðrí bæ með Berglindi og Írisi eftir þetta en var nú ekkert allt of lengi. Fór síðan með pabba og mömmu til afa og ömmu í dag í dýrindis pönnukökur og eplaköku. Mmmm... Náði síðan aðeins að taka til og meira að segja að steinsofna í alltof langann tíma og svo kíkti Ósk til mín rétt áðan í smá spjall. Mjög chillaður dagur sem sagt.

Á fimmtudaginn fór ég á sviðsfund hjá einstaklings- og þjónustusviði hjá Vodafone. Þar var boðið uppá bjór, rautt og hvítt þannig að eftir fundinn kíkti ég á Dillon með Atla, Steina, Danna og Gunna. Annað skipti á stuttum tíma sem ég fer bara með strákum út og ég verð að segja að umræðurnar geta orðið skemmtilega áhugaverðar, haha :)

Já, ekki má svo gleyma því fyndnasta. Tók leigubíl í gær og þegar ég var að bíða eftir leigubíl þá kemur hr. Kongó labbandi og hann actually þekkti mig án '80s looksins! Damn. En allavegana, ég sagði honum bara að ég væri að hitta annan og losaði mig þannig við hann hehe ;)

Jæja, nenni ekki meira bulli. Ætla að glápa á eitthvað eða lesa og reyna að sofna. Er víst að fara í fermingarveislu á morgun.

Góða nótt, Helga.

2007-03-18T00:25:00.000Z

Lífið er skrítið

...og við fólkið líka. Verð bara að segja að það er frekar óþolandi þegar manni líður allt í einu eins og maður sé eitthvað tregur eða vitlaus af því að maður skilur ekki einhverjar aðstæður eða einhvern annan aðila.

Ég var einmitt að hugsa dáldið um þetta í gær. Ég er t.d. búin að ganga í gegnum ansi miklar breytingar á mínu lífi síðan í júlí í fyrra. Í þessu ferli er ég búin að uppgötva að það er ýmislegt sem ég hef aldrei áður þurft að velta fyrir mér þannig að ég þekkti sjálfa mig ekki jafn vel og ég hélt. Mér fannst það bara ágætt, aldrei slæmt að taka sjálfan sig í smá naflaskoðun. Það er samt hægt að eyða endalausum tíma í að pæla í af hverju þetta er svona en ekki hinsveginn o.sv.frv. en ég ákvað að ég nennti því ekki. Er því búin að halda bara áfram ótrauð staðráðin í að læra af því að reka mig á veggi. Vil frekar lifa lífinu og mistakast öðru hvoru frekar en að vera í endalausum pælingum um hver ég er og hver ég vil vera.

Mér er strax búið að takast að reka mig á þó nokkra veggi og það getur verið sárt, svekkjandi og/eða óþægilegt en það skiptir ekki máli. Eftirá er ég reynslunni ríkari og ég verð bara að segja að það er margt búið að koma upp á yfirborðið sem hefur komið mér mikið á óvart og ýmsir hlutir sem er greinilegt að ég þarf að laga. Stundum vildi ég því óska þess að ég hefði meiri tíma. Heilabrot mitt þessa dagana er því, hvernig fer ég að því að laga þessa hluti án þess að taka tíma frá einhverju öðru sem ég geri? Fyrsta sem ég hugsaði var; vinnutörnin verður bráðum búin, get pælt í þessu þá. Gerði mér svo strax grein fyrir að ef ég geri þetta ekki núna, þá geri ég það aldrei.

Einu sinni fór ég alltaf með bænir fyrir svefninn, meira af umhyggju minni fyrir velferð fjölskyldu minnar en af kristilegri rækni, og yfirleitt endaði ég á að biðja "góður Guð, gefðu mér að vera betri manneskja á morgun en ég var í dag." Held að þetta sé í raun bara önnur útgáfa af því að reka sig á veggi og læra, kannski saklausari og fallegri útgáfa, en ég held í alvörunni að þetta sé málið.

Ég ætla því að halda áfram að vera steikt, klikkuð, Scary boss, Nasistinn, óákveðin, hress, djammari, með límheila á skrýtnar upplýsingar, vinur vina minna, vinnualki, óljós og hvaða lýsingarorð og viðurnefni, góð eða slæm, sem gætu átt við mig því það er allt í lagi. Þetta er ég og ég sætti mig við það. Ég sætti mig við að læra af mistökunum og vona bara að ég verði betri manneskja með hverjum deginum fyrir vikið :)

Kveðja, Helga.

2007-03-14T00:28:00.000Z

Nóg að gera...

Já, er að reyna að plana reunion þessa dagana, plana vinkonuhitting, hitta Hafnýju í lunch, fundur á fimmtudagskvöld, matarboð á föstudagskvöld, þjálfun á verkstæði og ég bara veit ekki hvað og hvað. Get ekki annað sagt en að ég skemmti mér vel þessa dagana en verð að viðurkenna að ég á líklega eftir að þurfa að sofa slatta um helgina. Veit ekki alveg hvenær ég á að squeeza inn hlutum eins og að þrífa herbergið mitt, þvo þvott, þrífa bílinn o.sv.frv... hehe. Ætla samt að reyna að komast um helgina til Elísabetar frænku og ætlaði í Hveró en veit ekki hvort ég nenni í Hveró ef pabbi og mamma eru ekki heima. Sé til. Nenni heldur ekki að plana of mikið hehe ;o)

En jæja, ný færsla komin á reunion bloggið :o)

That's all folks...
Helga.

2007-03-08T01:37:00.000Z

Reunion blog

Var að búa til blog-síðu fyrir reunion-ið. Setjum fréttir þar inn og hægt að commenta, koma með hugmyndir :o)

Kv. Helga.

2007-03-06T23:02:00.000Z

Mikið að gera.

Já, síðasta helgi var ansi cosy. Útlit er fyrir að sú næsta verði strembnari. Strax planað út að borða með hinum yfirmönnunum í símaverinu á fimmtudaginn, yfirmenn nethjálpar bjóða yfirmönnum símavers í mat á föstudaginn þar sem við unnum þá í QCC keppni (gæðamat símtala) og á laugardaginn er kveðjupartý hjá starfsmanni úr símaverinu og innflutningspartý hjá öðrum. Og þetta allt á vinnuhelginni minni, sjæse.

Man af einhverri ástæðu alltaf svona seint að ég ætlaði að vera búin að hringja í pabba. Hann er víst búinn að kaupa fyrir mig miða á Deep Purple, vúhú :o)

Annars er það helsta í fréttum að ég og Bára erum byrjaðar að skipuleggja reunion fyrir '81 árganginn úr Hveró. Planið er að hafa þetta um miðjan maí. Ég er að vinna í að óska eftir tilboðum og Bára er að vinna í að senda boð á liðið. Erum að pæla í hvort það væri ekki sniðugt að hitta gömlu kennarana niðrí skóla fyrr um daginn og jafnvel bjóða þeim að vera með um kvöldið, allavegana hitta þau um daginn. Fá síðan einhvern DJ til að halda uppi góðri 90's stemmningu um kvöldið. Líst ykkur ekki bara vel á þetta?

Hvernig væri nú að fá einhver comment á þessa færslu...? Slatti af fólki sem skoðar bloggið en alltaf sömu fáu sem commenta ;o)

Ciao, Helga.

2007-03-03T18:45:00.000Z

La vita est bella...

Mmmm... var að koma heim eftir góða opnun listasýningar með afar góðu hvítvínu og mögnuðum trufflum. Er svo búin að fá mér smá að borða en er að fara með Ósk út að borða á Ítalíu í kvöld. Mmmm...

Ok, er að hlusta á danstónlist og er komin í brjálaðann djammfíling! Hvar er djammið í kvöld...?

P.S. Joggi, til hamingju með árangurinn! Hehe... ;o)

2007-03-03T12:17:00.000Z

Helgi

Enn og aftur komin helgi. Ætlaði svo að plana ekki neitt þessa helgi en að sjálfsögðu er alltaf nóg um að vera. Kíkti aðeins í 365 teiti í gær, reyndar mjög stutt stopp og svo er ég að fara núna niðrí vinnu að massa QCC keppnina sem við stelpurnar erum í við strákana. Þeir munu fá að elda fyrir okkur, hehe ;o) Svo er ég að fara að hitta mömmu, Hlíf og Sigrúnu. Ætlum að taka smá miðbæjarrölt og fara svo á opnun listasýningar Fríðu frænku á Sólon.

Reyndar er ekkert planað fyrir kvöldið en það kemur mér ekkert á óvart ef það breytist í dag ;o)

Ætla að drífa mig niðrí vinnu. Skelli inn einu lagi í tilefni helgarinnar.

Au revoir, Helga.

2007-02-26T21:43:00.000Z

>10.000!

Stórum áfanga náð í dag. Búið að lesa bloggið mitt oftar en 10.000 sinnum! Vó. Er reyndar líka búin að blogga í 3 ár núna, sjæse.

Síðasta bloggfærsla meikaði örugglega ekkert sens fyrir þá sem ekki vissu hvað ég var að gera á föstudaginn. Það var ss þrifadagur hjá Vodafone með 80's þema. Þjónustuverið var svo með spandex-/íþrótta- 80's þema. Að sjálfsögðu var svo tekið vel á því á djamminu um kvöldið. Var ekki alveg sátt samt við að vera komin svona snemma heim, ennþá eiturhress og ákvað því að skella inn smá bloggi, hehe.

Fékk svo á laugardaginn símtal frá mr. Kongó. Sagðist bara vera alltof busy til að hitta hann (alltaf að reyna að vera svo kurteis) og er allavegana ekki búin að heyra aftur í honum. Vona innilega að ég muni ekki heyra meira í honum, hehe.

Ósk hringdi svo í mig á laugardaginn, já laugarDAGINN, einhverntímann milli kl 6 og 7, ss fyrir kvöldmat og bauð mér í partý til sín og Hörpu. Ákvað að skella mér þangað. Þar var svo dælt í mann skotum og gini svo ég myndi nú ná þeim þar sem þau voru víst byrjuð í skotunum um 6 leytið! hehe... Þetta var mjög skemmtilegt kvöld, hitti Daða þarna, fór svo í afmælispartý til Guðnýjar Láru og já. Við Ósk gáfum henni afar skemmtilega afmælisgjöf; Plast staup, sinnep, latex hanska, smokkapakka og banana. Settum bananann í smokk og skildum rifna smokkabréfið eftir, ásamt leiðbeiningunum, í skrjáfupokonaum sem við gáfum henni þetta í :o)

Fór svo aftur aðeins heim til Óskar, fannst Ósk og Harpa eitthvað slappar og fór því ein niðrí bæ að hitta Óla, vin Óskar og Hörpu. Ákvað svo reyndar að koma mér heim þegar var orðið full súrt að sitja í litlu herbergi á Dillon með 10 drukknum karlmönnum, hehe.

Fannst þetta samt enn vera full stutt djamm. Kom því við á einhverjum 3 stöðum á leiðinni niðrí bæ til að tékka hvort ég þekkti einhvern á djamminu, en nei, það var enginn. Það var því tekinn Hlölli á þetta annað kvöldið í röð.

Ósk, við ræðum ekkert hér hvað klukkan var hehe ;o)

Held ég hafi staðið mig nokkuð vel bæði kvöldin í að skemmta Jogga á næturvaktinni. Allavegana hlógum við helvíti mikið. Var sko oft búin að lofa að hringja í hann á næturvaktinni þegar ég væri að djamma. Stóð loksins við það og hringdi meira að segja bæði kvöldin.

Var svo vöknuð eiturhress milli 10 og 11 í gærmorgun þannig að við Ósk skelltum okkur á Vegamót í lúxus brunch. Úfff hvað það var gott. Mæli algjörlega með lúxus brunchinum, nammmm..... Sátum þar dáldinn tíma og kjöftuðum. Restin af deginum fór svo í leti, hanga við tölvuna og glápa á dvd. Afrekaði reyndar að setja í eina þvottavél en það var líka allt og sumt hehe :o)

Þessa dagana er nokkuð tight scheduele hjá mér þar sem ég er á 8-16 vakt, er að kenna á CRM í þessari viku og ætla að reyna að taka meira af crosstraining í nethjálpinni. Þetta er samt alveg allt í góðu af því að þetta er allt svo skemmtilegt, væri ekki að meika þetta ef þetta væri ekki skemmtilegt :o)

En jæja, held að þetta sé orðin ágætis langloka hehe.

Ciao, Helga.

2007-02-24T04:04:00.000Z

So 80's

Þó svo að ég hafi verið litli 80's lúðinn þegar við Guðný vorum að kasta uppá hvor ætti að hringja út leiðinlegt yfirmannamál fyrr í kvöld, þá er ég samt þokkaleg 80's skutla, hehe ;o)

Ok, var að koma heim af djamminu (Ósk og Svandís, þið eruð virkilega lélegar litlu lúðar, hehe) og þetta er í annað skipti sem ég fer að spjalla við útlending á leiðinni heim. Síðast var það Portúgali og nú var það bara svarta Kongó hehe. Við erum að tala um að ég get ekki verið vond og læt gaurana fá númerið mitt. Ok, er búin að losa mig við Portúgalannn með því að láta aðra svara í símann minn, en ég á von á símtali frá mr. Kongó á morgun. Shit!

Well, verð að finna einhverja leið út úr því. Þó svo hann sé einhver viðskiptafræðingur sem lærði í Belgíu. Æi, nenni einhvernveginn ekki að standa í þessu.

Ok, er fo**ing full, Atla tókst samt ekki að láta mig enda bara á sundbolnum, þannig að ég ætla að klára Hlöllann minn og glápa á eitthvað og sofna undurvel í nýja rúminu mínu sem ég, massinn, setti ein saman í gær, hehe ;o)

Góða nótt, Helga.

2007-02-21T02:15:00.000Z

Deep Purple

Ok, er að spá í að leyfa mér að fara á Deep Purple tónleikana í maí. Er reyndar alltaf að reyna að spara og það er að ganga svona misvel en allavegana, er búin að hugsa mikið um þetta og ég held ég verði bara að fara.

Fattaði áðan að ég gleymdi alveg að minnast á að ég held ég eigi bestu pabba og mömmu í heimi. Ekki nóg með að þau hjálpi mér alltaf að flytja (fyrir þá sem ekki vita þá er ég alltaf að flytja hehe) og hjálpuðu mér líka núna á sunnudaginn, þá veittu þau mér bara svo ómetanlega aðstoð í alla staði. Takk pabbi og mamma fyrir að vera til :o)

Er annars alltaf að muna seint á kvöldin eftir einhverju sem ég hef gleymt að gera. Gleymdi t.d. púðunum mínum. Þeir fóru í Hveró. Gleymdi græna stólnum. Var næstum búin að gleyma aftur sænginni minni í kvöld, munaði ekki miklu. Gleymi alltaf að panta mér tíma í nudd. Veit að ég á eftir að þurfa að redda outfitti fyrir föstudaginn á síðustu stundu af því að ég gleymi alltaf að tékka á legghlífum, leggings, grifflum, víðum bol og breiðu mittisbelti á skynsamlegum tíma. S.s. þegar annað fólk er vakandi, hehe ;o)

Það er s.s. þrifadagur í vinnunni á föstudaginn með tilheyrandi skemmtilegheitum og djammi. Allar deildir koma sér saman um eitthvað ákveðið look og allir þurfa að mæta þannig í vinnuna.

Verð svona að lokum að óska Guðný minni til hamingju með afmælið. Hún átti afmæli í dag (20. feb). Læt fylgja mynd af afmælisbarninu :o)

Ciao bella.

2007-02-20T01:17:00.000Z

Flutt

Ég er flutt á Hverfisgötuna. Reyndar fæ ég ekki rúm fyrr en á morgun-fimmtudag en Helga Dögg reddaði mér bedda þannig að það reddast. En þar sem ég er snillingur og búin að vera aðeins utan við mig þá fattaði ég áðan að ég gleymdi stólnum mínum og sænginni og koddanum. Þannig að núna sit ég á gólfinu með lappann á beddanum og er að fara að sofa með sæng sem er búin að vera niðrí geymslu í nokkra mánuði, ss skítug, og nota handklæði fyrir kodda. Já, klárlega snillingur hehe ;o)

Byrjaði í dag í crosstraining yfir í nethjálp þannig að fljótlega get ég svarað fyrir símaver Vodafone, 365 og nethjálp. Held að það sé bara nokkuð kúl. Enda er ég í þjálfun hjá Steina, sem er bara snillingur og hress gaur :o)

Er ekki alveg búin að koma mér fyrir þannig að það er ennþá smá bið í myndir.

En jæja. Kannski maður fari bráðum að reyna að sofa. Held ég þurfi að reyna að vakna snemma á morgun, ss um tíu leytið hehe ;o)

Au revoir, Helga.